" Bagong buhay sa bawat minuto. Bagong aral sa bawat panuto." 


Katulad sa agos ng ilog, maaring matakpan ang aking destinasyon. Ang pinakamakakakilala ng aking sarili, ay ang yaong mga taong nagnanais na maging bahagi ng aking pag-iisip. Habang buhay akong magiging mangmang, ngunit sa iba'y 'di manlalamang. Isa lamang akong wala. Wala sa paningin ng isang taong bubog lamang ang nakikita. Wala ni isa ang makakakita ng kumikinang, kung pawang panghuhusga ang iyong ipaiiral. Pinto o Ginto? Patas o Batas? Layo o Payo? Masama o Mabuti? Ikaw ang siyang dapat pumili. Paalam o Paghihintay? Paghihirap o Pangarap? Matatapos na lamang ba ako sa isang butil ng buhangin? O maging ibong sumasabay sa hangin?