عيش الحياه

الست أول واحدة بتحس بتغيير مشاعر ‎الراجل اللي معاها، وما تسألش إزاي، لإن الموضوع مالوش أي تفسير منطقي، ولكن الستات دايمًا بتحس، بتحس إنّك بطّلت تحبها، بتحس إن في حد تاني شاغلك، بتحس إنّك خونت، وما تناقش الست في إحساسها وتحاول تكدبه أو تكابر لإنها فعلًا بتبقى عارفة وفاهمة كويّس جدًا إن في حاجة.. تسميها موهبة بقى تسميّهُم مخاويين لكن لازم نعترف إن قُدرات الست في الإحساس تفوق ذكاء الراجل بمراحل.. الموضوع محسوم.

فكر نفسك كل يوم انك متندمش علي اي خير بتعمله أبدا ، 
          كل جبر خواطر ، كل ضحكة حلوة رسمتها علي الوشوش ، 
          كل ضيقة هونت علي صاحبها وطبطبت علي قلبه و راضيته 
          .
          علشان زعلك علي اي خير عملته هو فرقان بين انك 
          بتعمله لله او عشان الناس تقول فلان عمل و تمدح فيك 
          .
          وإفتكر إن كل الأعمال الجميلة دى أتكتبتلك عند ربنا 
          وهتتردلك بكل خير فى الدنيا والأخره حتى لو أصحابها 
          نسيوها فربنا مبينساش أعمالك الكويسة فى حق الناس 

‏للأسف مبعرفش انسي أى موقف صعبت عليا نفسي فيه أو هنت على شخص عزيز عليا مهما حاولت ، حتى لما بحاول استمر بعد فترة بلاقي نفسي لسه فاكر الموقف ده بشعوره كأنه امبارح .