برهم

يامَحطة تِلم وحَشتي
          وياقِطار يسافر ويأخذ دَمعتي.

بين بعينك ملل اي والكفيل
          عمية عين الخلتك مليتني
          ياهو مثلي الحبك وحط روحه بيك
           ثلجة وبنص موكدك حطيتني
          جنت اضويلك درب من شح ضواك
           ومن اجتلك وادمك طفيتني
          رغبة عندك ياوسف حسبالي شوك
          ومن دريت اتنفسك غثيتني
          
          امنيتي اضحكك حتى لو شيع ببوي
           ليش بالعيد الصبح بجيتني
          ردتك اتودني لهلي لمن عميت
          وتالي ما تالي لحد وديتني
          
          بعيني خليتك عله اعليها السواد
          وفرجه لله وللخلك خليتني
          يا مسيت العافية عليك اني اكول
           وانت بخشونة حجي مسيتني
          
          جنت اشيل الكاع واركض مدري وين مدري
           وينك من رحت سليتني 
          كتلك الفوكي شمس والحدري نار
          وانت كثرت الحطب جويتني
          
          ردتك تحافض علي وتضمني بيك
          ليش يم جمعت غجر غنيتني
          كتلك عيوني عمن بس كضني اشوف
           وانت يم شامت ولك هديتني

بقمة ضياعي جنت محتاج عنوانك 
          ومن صار ضلمه العمر حنيت للوانك 
          انا اليعوف الهوى علحساب دخانك