Sunni_Huang

ခံစားချက်မျိုးစုံနဲ့ပြောပြချင်တာတွေအများကြီးပေမယ့် အပြောခဲ့ချင်ဆုံးကတော့ sunni စာရေးတဲ့အပေါ်မှာဝါသနာအရရေးပြီး ကိုယ်ရေးခဲ့တဲ့စာတွေအပေါ် ၊ ရေးနေတဲ့စာတွေအပေါ်မှာ စိတ်နဲ့ ခံစားချက်တွေကိုသေချာနှစ်ပြီးရေးခဲ့တယ်ဆိုတာနဲ့ စာရေးတာကိုအလွန်သဘောကျပြီးတန်ဖိုးထားခဲ့တယ်ဆိုတာပါပဲ။ တကယ်တော့ဖြစ်နိုင်ရင်ဘယ်လိုအခြေအနေမျိုးမှာဖြစ်ဖြစ် စာတွေရေးနေချင်တာမျိုးပါ။ အကြောင်းအရာတစ်ခုခုကိုအနက်နဲဆုံး အတွင်းကျကျထိတွေးလိုက်ရတာမျိုးကိုသဘောကျတဲ့သူတစ်ယောက်မို့ စာကြောင်းလေးတစ်ကြောင်းဖြစ်ဖြစ် ကဗျာစာသားလေး ၊ သီချင်းစာသားလေး တစ်ကြောင်းလောက်တွေ့ရင်တောင် အဲ့အပေါ်လိုက်ပြီး fiction တစ်ပုဒ်ဖန်တီးလိုက်နိုင်တဲ့အထိ overthinking ဖြစ်တဲ့သူတစ်ယောက်ပါ။ လက်ရှိမှာတောင် ရှေ့လျှောက်ဆက်ရေးဖို့ ချထားတဲ့plotတွေဆိုတာလည်း draft ထဲအပြည့်နဲ့ note ထဲစာစီထားတာတွေလည်းအများကြီးပါပဲ။ အခုလိုအခြေအနေဖြစ်လာတော့ အရမ်းကိုနှမြောမိပြီး ဒီစာရေးအကောင့်ကိုဝင်လိုက်ရင်ပြောမပြတတ်အောင်ဝမ်းနည်းမိပါတယ်။ sunniအရေးအသားက အတော် အကောင်းကြီးမဟုတ်ပေမယ့် sunni သိကျွမ်းနားလည်သလောက် အရေးအသားနဲ့ ခံစားချက်တွေဖော်ပြချက်တွေမှာ ကိုယ်တတ်တဲ့အသိတစ်ခုစိတ်တစ်ခုလုံးနဲ့ရေးသားခဲ့တဲ့စာတွေချည်းပဲမို့ အသစ်တွေဆက်ရေးဖို့မဖြစ်နိုင်တော့ဘူးလို့တွေးမိရင် အရမ်း..အရမ်းကို ဝမ်းနည်းပါတယ်..။
          	
          	ဒီဝါသနာနဲ့ဝေးရမှာကိုမကြိုက်သလို စာရေးတာနဲ့အဝေးမှာလည်းမနေချင်ပါဘူး။ ပေါ်လာတဲ့အတွေးနဲ့ခံစားချက်တွေကိုစာထဲထည့်ရေးရတာကိုပျော်တာရယ်။ ဒါပေမယ့် မတတ်နိုင်ဘူးပေါ့ အခြေအနေအပေါ်မူတည်ပြီးခဏဖြစ်ဖြစ်လုပ်ရမယ့်အရာတွေထဲကနေထုတ်ပယ်ပစ်လိုက်ရမယ့်ကိစ္စတွေကရှိလာတတ်တာကိုး အဲ့လိုပဲ sunni ကလည်းစာရေးတာကိုအနားယူလိုက်ဖို့ဖြစ်လာခဲ့ပါတယ်။ sunni ရေးတဲ့ fic တွေကိုဖတ်ပေးတဲ့သူတိုင်းကိုအမြဲတမ်းတန်ဖိုးထားခဲ့ပါတယ် ကြိုက်ကြိုက် မကြိုက်ကြိုက် ဖတ်တယ် ၊ ဝေဖန်ပေးတယ် ၊ အားပေးတယ် ၊ ရှုံ့ချတယ်... အဖက်ဖက်ကနေပေါ့ ဒီအတိုင်းလူမသိသူမသိဖတ်ရုံဖတ်ပေးတဲ့လူတွေကိုပါ အပါအဝင် စာဖတ်သူတစ်ယောက်ချင်းစီတိုင်းကို sunni ကစိတ်ရင်းနဲ့ကျေးဇူးတင်ခဲ့ကြောင်း အလေးထားခဲ့ကြောင်းပြောပြရင်းနှုတ်ဆက်ခဲ့ချင်ပါတယ်။ 
          	
          	လူငယ်တိုင်းဝါသနာနဲ့အလုပ်ထပ်တူကျတဲ့အရပ်မှာပျော်ရွှင်အေးချမ်းစွာနေထိုင်နိုင်ကြပါစေလို့ဆုတောင်းမေတ္တာပို့သအပ်ပါသည်။