سيلين

بيع قلبك بيع ودك.. شوف الشاري مين
          شوف عهدي مين بعدي.. حيصونهولك مين
          العهد اللى رعاك.. والقلب اللى فداك
          ايامه عمرها بسنين.. شوف الشاري مين
          
          قبل ما تنسى العهد الغالي.. فكر ليلة وهات لياليه
          شوف مين غيرنا قضى ليالي.. عايشه بعمر شبابي فيه
          حتلاقي خطوة قلبي وقلبك.. مستنيه هناك
          شايلالي كلمة فضلت منك.. لما كنت معاك
          واعمل إيه؟ 
          اعمل ايه قوللي ياللي فاكرني بهجرك أعمل إيه!
          
          بتقول ناري تعبت قلبك..
          مش دي النار اللى كان حبك طاير فى جنتها وسارح
          ليه دلوقتي بتبعد عنها بتهرب منها ليه؟
          ما هو النهارده زي امبارح
          أهجر على كيفك وانساني.. مسيرالأيام تجيبك تاني
          وأعمل إيه؟
          اعمل ايه قوللي يا اللى فاكرني بهجرك أعمل إيه!
          
          أنا يسعدني تبعد عني.. وتجرب غيري فى هواك
          شوف مين حبه أكتر مني.. لو شاف اللى أنا شفته معاك
          ابني آماله وهدها.. واحسب دموعه وعدها
          وتعالى قولي بعدها.. هو حبيبك ولا أنا
          وأعمل إيه؟
          اعمل ايه قوللي ياللي فاكرني بهجرك أعمل إيه!
          

أتحدى من إلى عينيكِ يا سيدتي قد سبقوني
          يحملون الشمس في راحاتهم وعقود الياسمين
          أتحدى كل من صادفتهم
          من مجانين وأطفال ومفقودين 
          في بحر الحنين
          أن يحبوكِ بأسلوبي وطيشي وجنوني
          أتحداكِ أنا أن تجدي وطنا مثل فمي 
          وسريرا دافئا مثل عيوني
          إنني أسكن في الحب
          فاقرئي أقدم أوراقِ الهوى 
          تجديني دائما بين السطور
          أتحدى كل عشاقك يا سيدتي
          أتحداهم جميعا
          أن يخطوا لكِ مكتوب هوى
          كمكاتيب غرامي
          أو يجيئوك على كثرتهم
          بحروف كحروفي وكلام ككلامي
          أتحداهم أن يكونوا قطرة صغرى ببحري
          أو يكونوا أطفؤا أعمارهم
          مثلما أطفئت في عينيكِ عمري
          أتحداكِ أنا أن تجدي عاشقا مثلي
          وعصرا ذهبيا مثل عصري
          فارحلي حيث تريدين إرحلي
          واضحكي وابكي
          فأنا أعرف أن لن تجدي
          موطنا فيه تنامين كقلبي
          أتحداكِ أنا

باعتبار إني بكرة هموت في حادثة.
          الدموع هتصاحب أمي بس مش هتموت ورايا.
          والسنين هتزق أبويا خطوتين للحزن جايز.
          والصحاب هيحطوا صورتي عندهم في التليفونات.
          والجيران يتسألوا عني قبل إسمي يقولوا مات.
          والحداد هيكون عشاني اسبوعين قرآن في بيتنا.
          عادي يسمع شد حيلك أي واحد من عيلتنا.
          اللي مات كان حد طيب ساب مسيرة وحسن سمعة.
          عادي أبويا هياخد أمي للمقابر كل جمعة.
          يقروا فاتحة ويدعوا ليا ربنا ينورلي قبري. 
          ويجازيني الخير لصبري.
          وأما يبقوا في بيتنا يبكوا مرة كل يومين تلاتة.
          والزعل هيبان في عينهم كلما هيفتكروا غيبتي. 
          برضه موتي هيبقى باين في الدموع من عين حبيبي.
          شهر واحد بس يمشي والجميع يتناسى موتي.
          حتى أهلي هينسوا صوتي كان تخين أو كان رفيع.
          خبطة في تالتة ابتدائي من مدرس جات في أورتي.
          والصحاب هتعدي فترة بعدها هيشيلوا صورتي.
          مرة ممكن يدعوا ليا ينسى واحد يقول آمين.
          والجيران يتسألوا عني قبل إسمي يقولوا مين.
          لو عديت قصاد شارعنا عادي تسمع صوت أغاني.
          ولما تيجي الجمعة أبويا يبقى جوة البيت معاهم.
          وأمي واقفة بقالها ساعة عادي بتحضر غداهم.
          أمي نسيت حتى تدعي لما عدت جنب بابي.
          خلصوا الأكل النهاردة بس أنا مشالوش منابي.
          واللي أنا حبيته قال كله رايح كله فاني.
          بعد شهرين من وفاتي هو حب حد تاني. 
          وهي دي سُنة حياتنا وهو ده طبع الحياة.
           اللي يسيب الدنيا فانيا مش هياخد شئ معاه.
          بس أنا بتجيلي دعوة كل يوم من حد طيب.
          عمر ما جمعتنا قاعدة عمره مرة ما كان قريب.
          ولما رحت سألت عنه كان حقيقي جواب بسطني.
          إنه كان سواق في شارع وإن أنا عديت خبطني.