Chris_1669

2026\8\27
          نهاية الحكايات شعور مُر يلاحقني ماكو اي توقع للي صار ابداً نتمنى التوفيق بس محد بينه گادر يكتب الوداع هموم الدنيا جان بس هل حل النه لاكثرنه نهرب من واقع لواقع نعيشه بكل حقيقتنه وهل مره حتى الامان انسحب شعور الفقد المؤذي

2026\8\26
          فراغ للأمانة ايام روتينية وجداً الروايات صارت عليهن حملة وكلشي طار وباقين بس نتصفن ونتصفن لاغير سواليف قليلة ونوم هواي والمدارس قربت

2026\8\21
          عند اليوم الواحد والعشرون من الشهر الثامن السنة السادسة والعشرون ابتدئ يوم هادئ لايتوقع احد منا ان يحدث اي شيء بعدها جاءت ساعات المغرب الاولىٰ تعاجلت الخطوات للذهاب لغرف المشافي تلك المليئة برائحة المعقمات الحادة جلسنا هناك مابين عشية حتى الواحدة ما بعد منتصف الليل لم يتبقى الا دقيقة عند من الساعة الواحدة والتاسعة والخمسون دقيقة اغلقت ابواب ردهة الجراحة  امامنا جلسنا جميعاً ننتظر تتعالى  اصوات قلوبنا خوفاً حتى شارفت الساعة الثانية والسادسة عشر دقيقة بعد منتصف الليل ولد علي الدُر وفاطمة بعد مشاقة العُمر والمحاولات اجمعها استمر الصمت حتى شارفت الثالثة فجراً انفرجت الأبواب خارجة لنا منها، احتل الفرح جميع جدران القلب عندها وحسب انتهت حكاية المحاولة مبتدئة حكاية اخرى لعمر اخر ممتلئ

2026/8/12
          ايام متماثلة نومي خرب وهوه معطل ودنيتي جهنم هيج هيج قررت بوضوح اخذ كم يوم وحدي حتى لا اجرح الي احجي وياهن بدون ما انتبه بسبب مزاجيتي العكرة خوش خطوة

2026/8/6
          من بداية هذا الشهر مر فقط ست ايام والليلة يصير اسبوع عبارة عن نوم من وكت مثل الدجاج كعدة بلأربعة قبل الديج اتريك بيضة واتمرن شي ساعة زمان اقفل من الخمس الاف خطوة وشكد ماكدر فوكاهن والهدف اصير اقفل عشرة الاف خطوة بالمنطقي اكيد معديتهن لان بطبيعة الحال انه هواي امشي بس ما وياي جهازي احسب بيه خطواتي هل مره قررت البداية وحدي بدون استشارة وبدون اعلان الفكرة اكره اتعرض للتذكير المستمر لأبسط تصرفاتي شي اندم عليه كل مره بما يخص العائلة يا عزيزتي الوضع لاغريب تجاهل وتفكك أسري هيج هيج من الجانب النفسي والاجتماعي انه بأسوء فترة اعتبر لو بقيت على نفس شخصيتي العشت بيها طوال السنين الأخيرة تقريباً بس وي هل تغير؟ لابأس الموضوع مو فد معضلة بس انه مليت كلشي بالحياة 

2026\8\3
          يوم الأثنين الساعة السادسة غروباً جالسة انا استمع الى ملحمة گلگامش، رائعة تجعل مني التمع بأنبهاري اقف دقيقةً وأشهق كلماتي عند سماع غريب العبارات واللذها نطقاً علاقة ان كيدو وگلگامش شيء رائع؛ عند اقتراب منية ان كيدو عندها قال گلگامش قولاّ هز دُنياهم هزاً شتم مهدداً اربابه، بداية اليوم كانت متعبة الى حد ما بشكل غريب المذاق لي لكن استمر نفس الخطوات تكراراً لم امل مني او منها جالسةً انا في حجرةً سيدها لفيح النار والحممي ها انا. 

2026/7/31
          الليلة حيخلص اطول شهر بالحياة السابع واخيراً خلال هل يومين ثلاثة بالمستشفى مرافقه لبنت عمي وتمرمرت للعظم يعني لانوم ولا اكل رجعت للبيت حظي طايح ردت اعدل نومي ماكو لكيتني نايمة بلا ما احس وراها اليوم بالذات عدلت نومتي كعدت بالستة نظفت غرفتي تابعتلي محاضرة للسيد كمال الحيدري اسلوبه ممتع على الرغم انه كلش اخر سنتين ولا ذرة ايمان بس يلا بلكت نرجع نفس قبل وهم نظفت الثلاجة المطبخ سويت ريوك لحبابة للعشرة اهلي كعدو سويت صلصة طماطم وكتبت وهسة داكصص بامية واسمع او الاصح اكمل مقابلة كاظم الساهر لان ماينطيني گلبي اخلصها دفعة وحده +حبلش اتمرن من حله وجديد الحياة مره يراد اعيشها مثل ماتمنيو على الاقل من الجوانب الاكدر عليها 

2026\7\25
          ببساطة انا ترفعت حيل عنهم وصرت ما احجي وي اي بشر اكل انظف انام دراسة للسادس ماسويت ولا طركاعة كل الاشياء الجهزته سجلات مقلمة جدول الخ الخ حطيتهن بجيس زبالة وللحاوية راحن يتراكضن لأن الحجي صدمني بحقيقة انُ لو اأذن ماكو دخول جامعة لان والله الي ترفع صوتهة باجر عكبة تنيج والله مبادئ نو برابلم احلها بعدين هاي كلشي اله وقته وملائكته بالنسبة اليه مادري بس دأكصر مدري هدومي تكبر بس الشغلة تخوف عندي بجامة من العام اعزها اكثر من اختي جانت ضبط ردت البسها زط بط تسحل شنو خالي بكيفججج انقهرت قبر لهيج عيشة الاكل ماكو عايشة على وجبة وحده للاربعة وعشرين ساعة وغالباً تكون بتيتة گلي وياها زبادي بارد والخبز مقطوع يعني لا مأكل خوبيزززز احسني مشتاقة اسولف واحجي وغيرها وغيرها بس ماعندي بشر اغردله هنه الاعرفهن تلاثة صوصه وشوشو وعذعذ وكلهن مشغولات حزن عميق بداخلي جداً مؤذي الفراغ طلع موحلو كسخته الكال قلة الناس مريحة رجلي بيه وبراحته اف

2026/7/19
          امممم مامر هواية وقت هل مره بس اجيت اغرد بشي حابته هى فترة والي هوه الرسم والكتابة وجمعتهن سوا يعني لهل شي جداً مستمعة وكذالك الوضع هدوئ لأن النه فترة مبطلين نحجي بأي شكل ابوي متجاهل وانه هم وبس

2026/7/15
          اوكي مر قرن من اخر مره كتبت هنا هواييي سواليف صارت يعني شأحجي شأخلي لاظل كتل مانكتلت لابقى سب وحرمان من الاكل يابه حتى الماي بس يلا گضت بس الصراحة الأنسان يكدر يعيش خمس ايام متتالية بدون ماي او اكل بشكل تام يعني لو طفرت اكدر اعيشن هيح فترة خوش معلومة اكتشفتها المهم عد معاناة اخذنه التلفون المسحوب من شي شهر؟ مدري حاولت اكتب هنا من الحاسبة بس من شفت كلشي راح من المنصة متت بقهري والله حيللل بجيت بس نو مشكل وهمات لكيت هواية جديدة ارسم وهيج وكضيت يوم امس اكطف الشيب الي براسي كبرنه عمي انويز سويتي سهلات وتهون مواح