earth2inanna
كل عام وانتِ بخير زنوباتي
يارب تكون سنة خير عليچ وربي يباركلچ بيها وبكل خطوة تخطيها بحياتچ وربي يرزقچ الزوج الصالح اللي يكون سند إلچ فعلًا لأنچ تستاهلين الخير بس يا بعد عمري انتِ.
ما اعرف شگول معايدتي الأولى چانت احلى بس يلا مستحيل اخلي شهر ميلادچ يعدي بدون لا اعايدچ بيه وخاصة انتِ موجودة اكيد. انتِ الصديقة الوحيدة اللي استمرت وياي كل هلوقت بدون إي مشكلة تذكر، يعني جديات ولا بيوم تعارگنا او صار بيناتنا خلاف وتزاعلنا ما شاء الله. وكمان اقدم صديقة إلي
أصلًا بكل وقت احتاجچ بيه اشوفچ موجودة، بكل لحظة احس بضعف بيها تطبطبين عليّ وبكل فرحة تغمر قلبي احس اشاركچ إياها واحب تعزيزچ إلي واحب شلون تفهميني وحافظتني وشخصيتچ قريبة حيل وبشكل فضيع مني وهلشي يريحني بشكل متتصوريه زنوباتي بحيث ما اتوتر او اخاف تاخذين نظرة محلوة عني او تفهميني غلط ابد ولا بيوم حسيت بشعور محلو وياچ وحتى احزاني وياچ تصير عبارة عن ضحك.
احب شخصيتچ الفاهمة واحب نصايحچ اللي نابعة من قلب طيب ويخاف عليّ وعلى اصحابچ بيهن. مليون مرة گتلچ احب صراحتچ مو؟ وللأبد احبها واحب شلون متجاملين احد وما تتملقين للأشخاص اللي متحسين براحة وياهم او شفتي تصرف معجبچ بسرعة تصارحين الشخص بلا خوف او توتر وهمات احب إنچ إنسانة مسالمة وفطيرة بشكل لطيف وتخليني اوقات اخاف عليچ من الناس السيئة الموجودة هنا..
زنايبي ام عيون الحلوة، عيونچ لوحدها حكاية ثانية بيهن براءة تخليني اريد اتأملهن عمري كله وما اشبع ولو شعرچ الحلو؟ ولا ضحكتچ الكتكوتة اللي تبينچ طفلة وخدودج وكل انش بملامحچ احبه حيل ويستاهل التقديس والبوس بكل ثانية تمر.
اتمنالچ العمر المديد المليان بالسعادة والرضا والطمأنينة واتمنى صداقتنا تستمر لأقصى وقت ممكن وما تتركيني بيوم لأن أنا بدونچ لا شيء واتمنى تبطلين سالفة الروحة او السحبات هاي ترا تعبتي قلبي بيهن الله وكيلچ.
ختامًا من هُنا لِبغداد ذهابًا وإيابًا احبّكِ معشوقتِي♥.
earth2inanna
@dtnoseiore بسم الله عليكي حبوبتي شيلي متابعتچ لحد يطيح بهلحساب لا اعنفكي نسنسنس ياااسسس
