ადრე დავწერე იგივე შინაარსის პოსტი, მაგრამ ახლაც მიწევს და იმედი მაქვს ყველა ნახავს. ძალიან დიდ უხერხულობაში მაყენებთ, როდესაც ახალ თავებს მთხოვთ, საშინლად მრცხვენია ჩემი საქციელის, მაგრამ ჯერჯერობით ვერაფერს ვიზამ. ვარ აბიტურიენტი, რომელსაც 5 დღეში ეწყება გამოცდები და მიწევს 3 საგნის ჩაბარება. ბოლო გამოცდა მაქვს 18 ივლისს. აი მაგის შემდეგ კი ხშირად დავდებ. ახლა ვერანაირად ვახერხებ ახალი თავების დადებას, რადგან ერთი თავის თარგმნას და ჩასწორებას მინიმუმ ერთ საათს მაინც ვანდომებ. ეგ ერთი საათი ახლა ყველაზე მეტად წიგნებისთვის მჭირდება. თან ყველამ ვიცით, როგორი სიტუაცია იყო წელს საერთოდ მსოფლიოში და როგორი გავლენა იქონია განათლებაზე. მარტო ონლაინ ნასწავლით ხომ არ იქნება გამოცდების ჩაბარება? რამდენიმე დღე წაშლილი მქონდა ვოთფედი, დღეს ჩავიწერე და ამდენი კომენტარი და წერილი რომ დამხვდა, როდის დადებ ახალ თავსო, მეცადინეობის გაცდენა მომიწია, რომ ახალი თავი მეთარგმნა და დამედო. აუცილებლად დავუბრუნდები ჩვეულ რეჟიმს, უბრალოდ ძალიან გთხოვთ, რომ ამ პერიოდში მეც და სხვა ყველა აბიტურიენტს გაგვიგოთ. სიყვარულით დიანა♡
