A

تضحَك عليَّـة لأن أسـأل عن أخبَـارك ..
          چـا من شفتني أحتـرك طفيتني بـنارَك !
          لك اني صوچي وچنت محتفظ بـأسرارَك
          تـاخُذني للمشنقـة واني آخُذ بـثارَك ،
          ما گتلك إسـال عليَّـة ردت أعرُف أخبَـارك
          وأتحمَّل شگد حچي من نـاسك ونـاسي
          ومن بـاوعت للسمـا ما چنت أمشـي بـفخَر
          خـايف يطيح الدمع ما نـزَّلت راسـي ،
          ومتـريد جـدمي بعد يـوصل لـبيبانك ؟
          والله ما أريـد أجي ..
          وكون أفقد الذاكـرة حتى أنسى عنوانَـك 
          گـد ما عليك سـألت 
          يـوميَّـة أعرُف گمت أخبـار صحبانَـك
          ويضحَكـلي چـان الهَـوى 
          من چنـا نتحاچـة ..
          هسة أكعد اني وهـلي
          نطلع بـصورتَـك ونگـوم نتباچـة ..

ضَحكت هـواي من مشيـت
          چنـت مصدوم مو بـارد ،
          مثل بَصمـة الشابـك صاحبَـه المكتـول
          تهموني بـكتل واني الچنت فـاقد !،
          وبـس تحبني رايـد كُلشي مـا رايد
          حتى الحرب بيها الموتـة من صوبين
          ليش ويـاك أموتن من طرف واحـد !.

انـا بـأصعب ظرُف مَريـت 
          وانتَ تكُلي متغير !.

أصـدلَك من أفـوت أكبـر أحـلامَك چَـان ،
          وكت گايـم سَـلام تردَّه منيَّـة .

لا لا تـروح بـداعة حُبنـا ظل يمي
          بَـعدني أحتَـاج يمَّـك أشتكي همِّـي ،
          شلون تعوفنـي وتغيب 
          وتـترُك روحي الـتحبَّك ؟
          يـا أبو گلب الحَـنين هـواي 
          ويـن ألگى مثل گلبك ؟
          إلمَـن راح تتركني 
          منـو بعدَك يحس بيَّـة ؟
          وبَـعد ويـن الحَنـان ألگاه 
          إذا أحتَـاج حنيَّـة ؟،
          خلص ما راح نـلتقي يعنـي 
          وراح لـوحدي تـتركنـي ..
          بَـعد ما أشوفـك من اليـوم
          هذا إلّي مُّوتنـي ،
          منـو بعدك حبيب الروح 
          من أشكيلَـه يسمعنـي ..

صحيح تـأخرت بس اني موجود
          مو إحنـا النـفَّرط بـالنريـدَه ،
          إذا عندك جمال يذوُّب گلوب ؟ 
          شَـرار گلوبنـا يـلوي الحَـديـدة .

          أعترفلك انـي كتَّـالي الرَحيل ..

التصيحلهُم بـأساميهُم 
          يحبوها ويحبونـك ..
          چَـتفك من يطُخ بيهُم 
          شنو إحسَـاس اليماشونَـك ؟
          ولأن راسك على اچتَـافي 
          صرت أول بشر عنده ملاكين 
          بـچتـف واحد ،
          بـتصنيف العُطر ينحط وراك اليَـاس
          عُطرك شيخ عـام يـگوملَـه الگاعد
          ولا شفتَـه نزل فـديوم !
          الذهب ينزل يجوز وحاجبَك صاعد ،
          يالحليَّت شعرَك حلِّي مُشكلتـي
          إذا متـريدني، شرايـد ؟.

كلمات المعـاتب گضن
          و أنتَ على طبعك ذاك ،
          لا نفع بيك الوفى 
          ولا عتَـب فَـاد ويَـاك ..

أريـد أبچي على صدرك مشتهي النوح
          وأريـد أكعُد گبـالك وأحسب جـروحي ،
          بيَّـة نـار وهيَّ مو كُل نـار نـار
          أبچي ما يطفر دمع يطفر شَـرار ..