Dalel Zghal Fredj

هي روح تاعبة و روح من قاع وسخ دنيتهم لي سماء الخالق السابعة، 
          	قالو ما عندهاش زهر و عندها التابعة، 
          	و حد ما حس باها كي عاشت تاعبة؛ 
          	من الفرحة جيعانة و من دموعها شابعة؛ 
          	اما مانيش فاهمة نبكي على حكايتها و الا نضحك على نهايتها، 
          	نقعد حايرة في كيفاش ضعفت و روح طاوعتها، 
          	و هزتها للشباك و طيشتها؛ 
          	و لذا كان لي حبها موش راجل! 
          	و خوها موش راجل، ما وقفش مع اختو، 
          	ثاني وحدة في حياتو حبتو، 
          	اختو لي كبرت تحت طوعو؛ 
          	و دمها من دمو و في قلب ساكن تحت ضلوعو؛ 
          	ويني امها لي مافهمتهاش و باعتها بالساهل
          	 و بوها باعها لواحد قالو لي هو راجل، 
          	حبيتها تاقف على ساقيها، 
          	و تجري و ما تتلفتش وراها، 
          	و ما تخليش الدنيا تحكم فاها، 
          	ما تخليش روحها تموت قبل ما تعيش معاها..
          	اما شنوة حكايتها و و شنية الوجيعة لي حستها، 
          	و شنوة حست من غصتها.. 
          	روح اخرى شدت روحي و عذبتها، 
          	كرهتني في الدنيا و انا بطبيعتي كارهتها، 
          	يعنبو شرف العيلة و بو صمعتها 
          	كان يبيعو بنتهم والا اختهم
          	لواه تفكر فيا بربي بحكاية هل البنية !! 
          	خنن العريبة راني عفتهم !!