ِ

جا كدام غربه تأشر بايديك
          تعيرني بعماي تكلي ذني شكد 
          

لا هنه العمن حتى العذر عميات
          ولاهنه الغفن بالليل ورتاحن

شنفضهن نفض شو كلهن التمن
          لا عطوه النطني ولا رضن يهدن
          شكثر اسهام كلهن فد وكت هدن
          سهم وداع، سهم اوجاع
          سهم عمري وشبابي الضاع
          شنفضهن ونيابهن حدن!؟ 

محمد كوكب 
          تريد اختصرها بدمعه وحده 
          لا روحتك مال ابجي مده 
          لا مو سفر وانتضرك تعود 
          روحه خيانه بلايه رده
          
          حيدر حطاب
          انا الماقصرت بس من بقيت وياك
          المثلك جان يحلم يوكف بصفي
          الخيانه تصير من تبدي الهدايه تضيع
          

شوكي لعيونك قصيده 
          لهسه ما كايلها شاعر

انتَ غصه بصدري ضلت
          لا كدرت احجيها واخلص 
          ولا كدرت وياها اعيش

شكثر كسرات
          واصعب كسره
          جانت كسرت الخاطر
          شكثر لجمات ونكول 
          الفرح باجر
          يا روحي شبعد باجر؟ 

تعال وما عليك نقدس اعذارك
          تعال شكثر مشتاقين لاخبارك.. 

ما طبكن سره طبكن علي كلهن
          وكتلني وبعد ما اكدر اكتلهن
          واذا شدن جدامي وشدن الجفين
          وكعدن ع الصدر جا بعد شيحلهن؟ 
          ويلتمن عليك مشتتات البال
          يا عريان كلي شلون تنفضهن؟ 

يا اعز طينه اعلئ روحي شغيراك
          يل خيالك ما مشه بكدي وراك.