Delphinu_s
හද පෙළන ගිනි රැගෙන
දල්වලා ලිපගින්න
දහ අතේ කල්පනා
කර කරම ඉන්න ඇති
අලි බීපු වී ගෝනි
ගොනු තැලූ හේන හෙම
හූල්ලපු දුක් දියර
කන්දෙන්ම පිරෙන්නැති
ණය බරට පිටු ඉරුණු
ණය පොතේ ඉතුරු පිටු
ගස්සාම අහක බලද්දි
පොඩි එකා අඬපු හැටි
මැවි මැවි පෙනෙන්නැති
දීමනා සහන හෙම
එකතු කළ පින් කැටය
හිල්වෙලා බේරිලා
දුක දෝරේ ගලන විට
පතිව්රතා කුමට මට
එහෙම ඇය සිතන්නැති
දරන්නට බැරි තැනදි
තිත්ත වස කුප්පියත්
පැණි රසට දැනෙන්නැති
පුරුද්දට වාගෙම
පොඩි එකාටත් පොවා
ඇයත් එය බොන්න ඇති !!
ඩෙල්ෆි
Madushika_Ramanayake
@Delphinu_s වා....ට් වට් අ සර්ප්රයිස් .... මට ඒත් මේ මම කලින් දන්න කෙනෙක් අලුත් ප්රොෆයිල් එකකින් ඇවිත් ද කියලා නිකමට නොහිතුනාම නෙවෙයි...
Madushika_Ramanayake
@Delphinu_s නංගි මේක පට්ට බැරෑරුම් කවියක් නෙ... මේ සිස්ටම් වෙනස් වෙන්න ඕනෙ මෙන්න මේ නිසා...