thisisfatomaa
وكف ورايه ضال بالفانيلا ومليان ريحة جكاير راد ياخذ الفرشة مني عتيتها منه
- وخر عني ما اريد يصير بيه ريحة جكاير.
تحسر ومشي من يمي بهدوء فتح كنتوره اخذ هدوم وفات للحمام،كملت شعري ومضفرته عفته مفتوح حتى يبردني شوي
رحت وكفت يم الشباك اباوع للمكان،اخذت نفس عميييق وزفرته و وياها جرن دموعي،شجابني لهنا شوصلني!،اريد اهلي،اهلي وين عني.
بقيت متكتفة و ابجي،حسيته اجه للغرفة بس مدرت وجهي علي حدما حسيت أنفاسه قريبة عليه
- تعانديني؟
حجاها همس و اجه وكف كبال الشباك كبالي بالضبط قريب كلش عليه،بقيت اباوع بعيونه بعتب لان كل الي صار بسببه وهو الي وصلنا لهالحال
عكد حاجبه و تقرب علي يتأكد من الي ديشوفه،تغيرت ملامحه من شاف دموعي ومَد ايده ع وجهي يمسح دموعي ويحجي بخوف
- ليش تبجين ليش؟
شلت ايدي وخرت ايده مني نترتها و درت وجهي عنه،رحت تمددت على الفراش وبقيت صافنة ع السكف افكر بأهلي واحد واحد نفر نفر هسه شنو يسوون كل واحد بيهم هسه بهل لحظة شديسوي و دموعي تجري
اجه هو تمدد قريب عليه وبس يتحسر
اخذت نفس عميق وهمست
-(اسم الشخص)
التفتلي وكال
- ها
- اكرهك