DinaGamal634

سلسلة أسير عينيها " أحلى تحية لخالد باشا السويسي" 
          	_____________
          	مساء الفل على أحلى عيلة البوستات ما بتوصلش لكل الناس فنحاول نتفاعل بليز عشان الناس تشوف البوست دا لأنه مهم 
          	  عندي كلام مهم بخصوص سلسلة أسير عينيها الورقي والإلكتروني 
          	من 7 سنين بدأت أدخل عالم الروايات من 7 سنين كنت لسه عيلة صغيرة عندها 20 سنة ، طلع منها سلسلة أسير عينيها الإلكتروني 
          	ولأن السلسلة دي تعتبر هي الأشهر والكل حبها
          	كان لازم تكبر وتنضج وتتقدم بشكل جديد ومختلف يليق ب7 سنين خبرة
          	___________
          	كثرت الأسئلة عن سلسلة أسير عينيها وبرغم أني جاوبت كتير بس خلينا نوضح كل النقط دلوقتي تاني 
          	والله العظيم أسير عينيها الورقي مختلفة عن أسير عينيها الإلكتروني ، أصل معلش أنا مش فاهمة ايه الاستفادة لما أخد رواية كتباها على النت أطبعها في كتاب ، طب على الأقل كنت حذفتها من النت 
          	السبب الأهم اللي مخلي أسير عينيها لسه موجودة إلكتروني إنها أصلا مش شبه الورقي 
          	الورقي مختلفة تماما في الأحداث وعمق الصراعات وشخصيات الأبطال ، في القضايا في السرد في الحوار في كل العناصر حرفيا
          	الورقي اتبذل فيها مجهود جبااار عشان تطلع بالشكل دا 
          	خير دليل على كلامي الناس اللي قرأت الورقي كلهم يشهدوا ويأكدوا على كلامي 
          	أخواتنا العرب اللي في البلاد اللي حوالينا اللي مستنين الجزء الخامس بلهفة شديدة
          	_____________
          	قولا واحدًا لآخر مرة أسير عينيها الورقي مالهاش علاقة بالالكتروني
          	الجزء الخامس اللي نازل السنة دي في المعرض أحداثه جديدة لم تروها من قبل 
          	حابب تشتري الجزء الخامس لوحده ما فيش مشكلة 
          	حابب تشتري السلسلة كلها صدقني هتستمع بوجبة دسمة لم ترها من قبل 
          	___________________
          	حجم أسير عينيها الجزء الخامس 410 صفحة معدية ال100 ألف كلمة يعني ما شاء الله رواية ضخمة سعرها في المعرض 200 جنية ، سواء هتجيبها من المعرض أو هتطلبها وتجيلك أون لاين خلال فترة المعرض
          	خد بالك لأن بعد المعرض بيوم سعرها هيرفع الضعف الخصم دا هدية ليكوا خلال فترة المعرض 
          	_____________ #سلسلة_أسير_عينيها #أسير_عينيها #الجزء_الخامس #جديدة_كليًا  #دينا_جمال
          	______________
          	الرواية تابعة لدار إبداع للترجمة والنشر والتوزيع
          	 الدار الموجودة فيها جميع رواياتي الورقية
          	هتلاقوها موجودة في معرض القاهرة الدولي للكتاب  الفترة من 21 يناير ل 3 فبراير 
          	صالة ٢ جناح B30 
          	صالة 1 جناح C4
          	صالة 6 جناح C28

DinaGamal634

@ Fotuhessy  وعليكم السلام ورحمة الله وبركاته شرف ليا يا حبيبتي متابعتك ، قريبا في معرض المغرب هتوصلك السلسلة يا قمر ، مع قرب المعرض هعلن هنا يا حبيبتي
• Reply

Fotuhessy

@ DinaGamal634  السلام عليكم حبيبتي أنا من المملكة المغربية حاولت كثير أحصل السلسلة بس ما قدرت لهيك بدي أعرف إذا في فرع بالمغرب بتتواجد فيه السلسلة  .
          	  أنا من أشد المعجبين بليز قوليلي كيف أقدر أخدا
• Reply

HMm487

@ DinaGamal634  مصر منورة بيكي انتتي يا حبيبتي ❤❤
• Reply

SoftAche

السلام عليكم حبيبتي، انا من اشد المعجبين جدا بحضرتك و بروعه تحفتك الفنية(أسير عينيها) كنت بقرأها من فترة صراحةً لسه مخلصاها امبارح، وحرفيا كنت بعيط اوي، لما عرفت ان لسه فيه جزء خامس هديت يعني هههه، بس للأسف انا لأني ما زلت طالبة في الثانوية، اققصد تكاليف الكتاب مش على قد مقدرتي، مقصدش حاجه والله انا بس كان عندي كام سؤال بسيط بتمنى من الله ان تردي عليا هيكون شرف ليا، اولهم هو حضرتك هتنزيلها زي بقيت الروايه؟ اققصد على الواتباد يعني زي الفصول الى فاتت؟ وسؤال نفسي بجد اعرفه اوي، هو حمزة هيموت و لينا مرات خالد هتموت؟ صحبتي قالتلي انهم هيموتوا وانا فضلت اعيط وانكر ده، بتمنى لا يارب لا، انا متعلقة اوي بحمزه يارب كلمها غلط. بس هو ده أسئلتي وبعتذر جدا عن الاطالة في الكلام، حفظكِ الله بعينه التي لا تنام حبيبتي