-z-k-s

مو غلط ✨
          
          مو غلط نغلط ونتعلم ، بس الغلط من نكرر نفس الخطأ وما نتعلم منه. أبسط مثال : ثقتنا بناس ما تستاهل ! شكد مرة نثق، وننطي ثقة باندفاع، وبالأخير نكتشف إن الشخص مو كدها. بس المصيبة الأكبر؟ نرجع نثق وننطي فرصة جديدة! إن كان صديق، قريب، حبيب، أو أي شخص تكثر أخطائة ويانا، وإحنا نضل نسامح ونعيدها من جديد… هنا الغلط مو منهم، الغلط صار بينا، لأننا ما تعلمنا .
          
          مو بس الثقة ، هواي أمور بحياتنا نعرفها غلط، ونبقى نكررها بدون ما نحاول نغير مثلاً، مرات نحجي كلمة بدون تفكير، بدون ما ننتبه لتأثيرها على الشخص اللي كدامنا لسانا يسبقنا، والكلام يطلع بدون حساب، ونبقى ندور بنفس الدائرة، بدون ما نتعلم نوزن كلامنا ونحسب لكل شيء حساب .
          
          وبالنهاية… كلنا ذكرى