DoaaAhmed20
نصايح حبيتهم.. ❤
م تخشيش المجالس وأنتي عابسه وجهـك.
ارفعي صوتك شوي بالسلام وابدي باليمين .
عند السلام على أقاربك ومحارمك لازم تكون قبضتك قويه وم تسحبيش يدك بسرعه لان عيـب.
واطيّ صوتك .
مَ تحطيش رجل ع رجل قدام حد ڪبير.
مَ تقعدش مقعمزه و مسيبه حد ڪبير واقف .
مَ تتصليش بحد متأخر .
لما تخشي لحوش ناس إختاري المڪان المستخطي إللي مَ يبينش الحوش عليك .
اللي عندك عليه ملاَم وإلاَ عتاب ويجي لحوشك مَ تزعليشي .. واللي يدق بابك طالبك فِ خدمة مَ ترديشي .
طقطقي ع الباب قبل مَ تفتحيه .
ڪُولي من ناحيتك و بعدي عليك الصونية شوية .
نوضي أول واحده من ع الصفرة كان معزومه .
ڪلهم ينوضو كان انتي إللي عازمه .
مَ تمشيش لحد براني فجأة .
تخشي حوش الناس عميا و تطلعي بڪُوشه .
فِ حوش الغريب مَ تنوضيش من مڪان غير لما حد يناديك .
تعالو نمشو نعيدو على الاقارب .
ارفعي هاديّ للجارة و قوللها اُمي تسلم عليك وذوقي مأنا وملحنا .
انتي مش احسن من حد ولاَ فِ حد احسن منك .
مَ تقارنيش روحك بحد .
قولي شڪرًا قولي اسفه إللي يعتذر الاٴول هو الاقوى
مَ تاخديش حاجه من إيد حد .
مَ تسبقيش حد ڪبير وانتي ماشيه .
اي باب مسڪر طقطقي عليه حتى لو عارف إن مَ فيش حد .
قولي الحق ولو ع قص رقبتك .
عيب هذا اڪبر منك .
هذا حرام ويغضب ربي .
هذا غلط مَ إديراشي .
نضفي مڪانك إللي مسختيه .
" هڪيّ زمان ڪانو الناس المُحترمين يربّو فِ صغارهم
وهڪي ربونا هلنا !
وهڪي ﺣَ نربوا اصغارنا بعون الله .♥️
