Dua

‏اب کے جانے کا نہیں موسم گر یہ شاید... 
          مسکرائیں بھی تو آنکھوں میں نمی رہتی ہے
            احمد فراز

عزیز تر مجھے رکھتا ہے وہ رگِ جاں سے
          یہ بات سچ ہے میرا باپ کم نہیں ماں سے ❤️
          

‏کون دیکھے گمان سے باہر
          خواب سب ہیں بیان سے باہر
          
          اک نشاں تک ہے سوچ دنیا کی
          اور ہم ہیں نشان سے باہر
          
          راز کھولا تلاش نے میری
          اک جہاں ہے جہان سے باہر
          
          جس نے بنیاد کو تھا خون دیا
          آج خود ہے مکان سے باہر
          
          وہ پرانا سا مال ہیں اب ہم
          جو بکے بس دکان سے باہر
          ‎

‏اپنی  زباں  کا  آپ  گلا  گھونٹ  دیجئے
          بس ہاں میں ہاں ملائیے گر جان ہے عزیز
          
           #اتباف_ابرک 

‏الٹ تعبیر ہوتے جا رہے ہیں
          سو بے توقیر ہوتے جا رہے ہیں
          
          بسایا اس طرح سے اپنا آنگن
          کہ خود رہگیر ہوتے جا رہے ہیں
          
          کبھی جو جان تھے ہر داستاں کی
          پسِِ تحریر ہوتے جا رہے ہیں
          
          مری سانسوں کی تھے جو دسترس میں
          وہ جوئے شِیر ہوتے جا رہے ہیں
          
          ترے جو شعر ابرک قہقہے تھے
          بڑے دلگیر ہوتے جارہے ہیں

‏کروں بیدادِ ذوقِ پَر فشانی عرض کیا قدرت... 
          کہ طاقت اُڑ گئی، اڑنے سے پہلے، میرے شہپر کی
           ― غالب

‏دل و نگاہ پہ کس طور کے عذاب اُترے... 
          وہ ماہتاب ہی اُترا ، نہ اُس کے خواب اُترے
            پروین شاکر

‏نہیں کہ مجھ کو قیامت کا اعتقاد نہیں... 
          شبِ فراق سے روزِ جزا زیاد نہیں
           ― غالب

‏مقام،فیض ، کوئی راہ میں جچا ہی نہیں... 
          جو کوئے یار سے نکلے تو سوئے دار چلے
           ― فیض احمد فیض

‏زندگی تب تلک ہدف ہو گی
          جب تلک جاں نہ یہ تلف ہو گی
          
          جس ورق سے بھی زیست پڑھ لیجے
          حرف در حرف سر بکف ہو گی
          
          دشمنوں کو پچھاڑ بھی لوں تو
          سامنے دوستوں کی صف ہو گی
          
          ڈھونڈتا میں نہیں اجالوں کو
          جب سحر ہوگی ہر طرف ہو گی
          
          اک اشارے کی دیر ہے ابرک
          زندگی ایسے بر طرف ہو گی‎
          اتباف_ابرک