رُمــانهَ

من رخصة صاحبة الحساب بس اريد اسأل إذا أحد عنده رواية ارهابي الكاتبة غدير

باجر تعيش السنين الما عشتهم، والفرح يترس زواياك الحزينه، تكبر انت وتصغر بروحك حسرتك . 
          
          شعر مادري منو كاتبه بس شفته بروايه احبها واحس اي هذا اني واكيد هالبُكرا جاي ✨✨✨

أيها الغريب..
          إنني أخشى أن أترك لنفسي الحرية في الإنطفاء والحزن، أخاف الا أستطيع أن أُعيد بهجتي مجدداً، اخاف الا اقدر على المقاومه وان استسلم واخسر، و اخاف ان ابقى خائفا طوال حياتي 

احب من الجو يكون بين الصيف والشتاء واتمنى يبقى دائما هيج لا هو بارد ولا هو حار، افضل جو بس السيء انه وراه يجي برد وشتاء كامل اهوو

الجو بده يكسر وصارت بي بروده، جو الخريف يخبلل 

حنيت الك بالحلم، انا حنيت واريدك تحن ؟ 
          وتحسبها منه على الجفن 
          حنيت حنيت،  يا جفن 
          مرات ياخذني الهوى لأيامك الراحن واجن 
          شفتك حلم كل العمر يالوالمتني من الصغر 
          وشوگي الك ليل وسهر ، بيدر محنه يا صبر 
          حن ؟ اه يا صبر 
          عيونك مكاتيب واغاني، بكل فرحها، بكل وداد 
          ايام وسنين العمر 
          والروح غيمه وحدرت بر، ما نزل يمها الندى 
          ولا جاسها مره المطر 
          سألوني عنك وانت يمي تعيش وتمنيت تنطيهم خبر 
          سألوني عنك وانت بين الروح، يالمرتاح يالحسنك بدر 
          ضحكاتك تلاگي السوالف بالگلب 
          ما بينها المر والصعب، والنظره منك لهفة المشتاق 
          من بعيد وظنون المحب، يوصلني منك كل عبير الفاح 
          يا قداح جايبلي خبر ؟ ويغني عنك ناي منك جاي
          لعيون المحب، ما عطله شطوط وبحر 
          شفتك حلم كل العمر يالوالمتني من الصغر 
          وشوگي الك ليل وسهر، بيدر محنه يا صبر ✨
          

يا خوخ يا زردالي، بذات مالك تالي
          داريتك ومن حومرت ؟ صار الجني لعُذالي 
          يا وسفه يا زردالي، يا حيف يا زردالي 
          بذات مالك تالي 
          يا خوخ لأجلك ساهرت، ودموعي لهروشك سگت 
          برعم جنت واتنطرك ومتاني واحسب كل وكت 
          وزرعتك بين النخل، گرصة برد 
          ولا حر ضگت، گرصة برد 
          وتمرجحك نسمات غَضّه، وعالخلگ عنبر فحت 
          ولك يا خوخ موش انا تعبت 
          وتلوعت
          وتمرمرت، يا وسفه يا زردالي 
          يا خوخ لأجلك عاشرت كل الطيور وصادگت 
          خايف جنح عصفور يهدل غصنك، ويمك نمت 
          باريتك بگيض وشته 
          لمّا كبرت وتحومرت 
          حتى الفراشه لو تلامس وردتك، بيها صحت 
          اه يا خوخ، يا وسفه يا زردالي 
          
          
          الخوخ الزردالي : نوع من الخوخ تكون ثماره بلون اصفر ولما يكتمل نضجها تتحول للاحمرار، ويشبه الشاعر حبيبه بالخوخ الذي تم توفير كل العنايه له ليكتمل نضجه ويتحول لونه للاحمر وبعد ذلك فأنه ينكر جهده ! 
          
          
          شنو من عقليه شايلها الكتب هالاغنيه ؟ كلماتها تدك دك براسي 
          
          

ماكو بشر ميخسر بحياته، لكن الفكرة وين ؟ الفكره انه ماكو شخص يخسر بنفس الوقت ! كلها دروس ونتعلم منها واني اعلن اليوم انني تقبلت المي ومشاعري وسمحت لها بالتحرر من داخلي لكن شنو اللي تعلمته من هذا الدرس ؟؟؟
          
          ١- احط نفسي اولويه وما اتمسك بعلاقات على حساب نفسي 
          
          ٢- اسامح، ما دام الشي صار بالماضي اتسامح وياه واطوي صفحته 
          
          ٣- ما اصادق اي شخص اشوفه كدامي لان اصدقاء السوء لا يُطاقون ! 
          
          ٤- اكون شُجاعه دائما وابدا واواجه بلا خوف
          
          ٥- احط تعب اهلي بين عيوني واجتهد بدراستي حتى اعوض تعبهم بالقليل جدا مني 
          
          ٦- اقاوم ! واقاوم واقاوم، ثلاثًا لان المقاومه اسلوب النجاة، ما استسلم ابدا، لازم اقاوم 
          
          
          ٧- ما أأذي الناس، ما اجرح بشر بحجايه ولا امد ايدي على احد - ما دام اكو سبيل اخر - 
          
          ٨ - اتعلم من خساراتي، واتقبل المي وهذا اللي راح يخليني اقوى 
          
          ٩- اسمع كلام امي دائما 
          
          ١٠- ما احط نفسي بمكان مو مكانها وما ارضى بالقليل 
          
          بالنهايه احب اكول " ما شفت الخساره بكل الاحوال، الما افوز بيها اتعلم لها" 
          واتمنى اكون شخص افضل، شخص ما يضوج احد شخص حليم وما يغضب وداحاول وان شاء الله اكدر، 
          
          بس هذا اللي اريده ان اكون انسان لا يتأذى ولا يؤذي، ان اعيش بسلام حالي حال نفسي واجبر خواطر الكل وما أأذي احد، لا زُلت اعيش فقط لأنني انتظر يوم اشوف نفسي بي هيج ❤️
          
          

احنا نبقى بشر، والبشر مهما بلغت قواهم يبقون بالنهايه لا حول ولا قوة فلا قوي سوى الله ولا احد يقدر سوى الله 
          
          واللي ما مجرب يستشعر جملة " لا اله الا الله " او " لا حول ولا قوة الا بالله " 
          حرفيا يا شباب فاته هواي ! 
          
          محد قوي، ومحد يكدر يضرك ومحد يكدر يسوي لك شي الا الله، وكلنا نعرف لو اجتمعت ملوك الانس والجن وحتى الكائنات الفضائيه ان يضروك بشيء وانتَ في حماية الله فلم ولن يقدروا ابدا 
          
          الموقف هذا ذكرني بشي صار اليوم - اهلي طالعين و وكفت سياره يم بابنا وبقت تدك هورنات ومرأة - ممكن متسوله او وحده بنيتها غير شي مندري - لكن بقوا يدكون بالباب تقريبا ربع ساعه، المهم اني كعدت كلت معقوله هاي اللي دتدك امي ؟ لان جانوا طالعين اهلي وراها كلت لا ماما عندها المفتاح متدك الباب ورجعت نمت ومن جنت بين الوعي واللاوعي اختي سألتني "افتح الباب ؟ خاف هاي ماما " كلتلها بداخلي " ولله مادري " ونمت ما جاوبت عليها وهي شسوت ؟ اعتبرت نومتي موافقه وراحت نزلت بس ع اخر تكه متراجعه وما فاتحه الباب وراها طلعت منتشرة سالفه بمنطقتنا انه اكو مره تفوت عالبيوت وتقتل وتبوك وحرفيا صافنه صارلي ساعه 
          الله شكد رحيم ؟ وهاي من لطفه ورحمته حرفيا شلون خلاها تتراجع بأخر لحظه رغم جانت طفله ومحد محذرها من قبل لكن هذا فعلا من لطف الله
          غارقه بأمتناني اله حاليا، لأن لولا لطفه ورحمته جان هسه اني طالعه بالتلفزيون عالشرقيه 

أنا الآن بلا اسم أنادى به،
          تركتُه ينهضُ بعبء نفسه؛
          في برزخ الماء والتراب
          لا يسألُ الظلُّ
          عن أصله.