Eiruyv
هاي بيريز
عارفة ان الفصل كان المفروض ينزل خلال الايام اللي فاتت ومنزلش، تعبت من كتر ما بنزل واعتذر واقول قريبا
بس ثانوية عامة مش ناوية تريحني
الحقيقة بعد ما خلصت الامتحانات كنت فاكرة خلاص القرف خلص وهتبسط وارجع زي ما انا تاني
بس طلع لا، نفسيتي كانت في الارض وقدام كل الناس اللي في حياتي كنت مبينة عكس كده
مش قادرة اقوم اعمل اي حاجة في يومي ولا نفسي اكل ولا حتى اخرج
بعدها مكملتش اسبوع ونزلت اخد كورس فنون وروحت امتحن قدرات اللي كان زي القرف برضو ويا عالم هتقبل ولا لا وكل ده وانا بتمرمط عشان اروح واجي وارجع انام وبس
قلت اكيد بعد كل ده ههدى، النتيجة طلعت امبارح
والحمد لله على حال مش المجموع اللي كان نفسي فيه بس مفيش حاجة في مصر اسمها حلم اصلا ف تمام
انا بقول كل ده ليه؟ يعني بما اني ممكن انزل ان حصلي ظروف او مش هنزل الفترة دي او اي عذر يعني
الحقيقة ان محدش هنا يعرفني ريل، لا اسمي حقيقي ولا اي حاجة عني فكانت الفرصة الامثل اني اتكلم عن اللي حساه من غير ما حد يعرف انا مين
وكده كده انا عارفة كتير منكوا مش بيفرق معاه ظروف الكاتب بنسباله اهم حاجة الفصول، بس فيه ناس تانية غير
المهم انا مش هقول هوقف او حاجة بالعكس انا هكمل الفصول لأن الكتابة دايما كانت مهربي والمكان الآمن اللي بطلع فيه افكاري ومشاعري
كل اللي بطلبه منكم انكوا تستنوا شوية
مش هطول اكتر من كده عليكم
See you soon berries
serinebouagar
@ Eiruyv ♥️♥️♥️♥️
Eiruyv
@serinebouagar حبيبتي شكرا لكلامك بجد وبإذن الله مفيش تأخير كتير كده تاني
serinebouagar
@ Eiruyv يا حبيبتي حشا أنه نكون من الناس يلي ما تهتم لصحة الكاتب - الكاتب أولى و كل انسان له ضروفه بس مع مراعات أنه عندهم قارء
