Enidan

مرحبا اتمنى تكونوا بخير 
          	انا عرفانة اني تاخرت و انكم مليتوا من الانتظار . انا عارفة هالشيء كثير منيح بس اتمنى تشوفوا الموضوع من وجهة نظري .
          	انا طالبة  ، ادرس في النص الاول من اليوم و اشتغل بدوام جزئي في النص الثاني  بعدها المساء عندي جيم ساعتين ادخل للبيت الساعة ثمانية استحم و اجفف شعري و اتعشى و اجهز دروس بكرا للجامعة تصير الساعة 11 خلص انا من الساعة 6 الصبح واقفة و عنجد كثير تاعبة …. ما كتبت من خمس سنين  و لسا ما رجعت اتعودت على اني اخصص وقت للكتابة خاصة و انو يومي مليان هيك عن جد تعبت و فوق هذا كلو مش لاقية محفزات تخليني اكتب اصلا بحس انو الكل يشوفوني كآلة لازم تكتب و بس و انا ضغط الوقت و الدراسة و الشغل و التعب عن جد صرت مش قادرة حتى اخصص وقت لحالي كبنت و بظن كلكم بنات و بتعرفوا قد ايش احنا محتاجين هيك وقت ندلع فيه حالنا و نعيد تجميع طاقتنا الانوثية .
          	انا اسفة كثير اني مخيبة ظنكم بس صدقوني هالمرة فكرت كثير في اني انعزل عن جد لاني مش لاقية اي دعم معنوي هون او حتى تعليق احس بيه اني ما ضيعت وقتي و انا اكتب و انا ما تعودت على هالشيء هون عارفة اني رجعت لنقطة البداية من مستوى كان مرتفع نوعا ما بس الضغط مع المسؤليات مع انعدام التحفيز عن جد مش سامحينلي اكتب و بالعكس عن جد صرت فكر اعتزل تماما هالمرة … لذا بليز لا تواخذوني و حاولوا تصبروا معي . عارفة انو هالبوست ما رح ياخذ اهتمام اي شخص بس مثل ما بيقولوا يكفي شرف المحاولة . 
          	شكرا