Ephykris Angela Cordeta

Pangarap lang kita
          
           by "Ephykris Angela Cordeta"
          Ika'y parating pinagmamasdan
          Mapupungay mong matang palagi kong tinititigan
          Kulay-rosas na labi mong nais kong mahalikan
          Malalambot na  kamay mong gusto kong hawakan
          
          Nais kitang yakapin
          Kahit isang daplis lang ng hangin
          Di ko mapigilan
          Silakbo nitong damdamin
          
          Kaya giliw sana'y iyong damhin
          Pag-ibig ko sayo'y di mo pinapansin
          Ibubulong nalang sa hangin
          Kakalimutan, iwawaglit at sa ere'y papaliparin
          
          Di ko makakaligtaan
          Limitasyon nitong aking nararamdam
          Pangarap lang kita
          At sa panaginip lamang tayo magkakatuluyan at magkakakilala

"PAGSISISI" 
          sariling likha
          
          Nais kong makawala
          Sa piitan na kinalalagyan
          Subalit wala ng paraan
          Titiisin na  lamang sakit na nararamdam
          
          Ako'y magtitimpi
          Magbabalatkayong ipakita ang matamis na ngiti
          Kahit kabaliktaran nito'y puno ng pighati
          Pighati na walang kahati
          
          Gustuhin ko mang sumigaw
          Ayokong kumalat sa iba ang alingawngaw 
           Nais kong itago  mga matang namumugto
          Sa kaiiyak na luha'y di tumitigil sa pagtulo
          
          Marahil ako'y tumatawa
          Sa likod nito'y may nakakubling luha
          Minsa'y pinipilit na maging masaya
          Ang totoo'y lungkot ang ipinapakitait nitong mga mata
          
          Gusto kong sumigaw
          Hanggang mapaos at luha'y maubos
          
          Gusto kong lumisan
          Mula sa impyernong langit kung ituring ng karamihan
          Labis ko itong pinagsisihan
          Tama pala "Ang pagsisi ay laging nasa hulihan."

Maraming bagay ang walang kasiguraduhan sa mundong ating ginagalawan. Gayunpaman, marami pa rin namang mga bagay na nasa katotohanan. Kailangan mk lang makipagsapalaran at mabuhay nang may karangalan.