EsraaAlghanam
الخلاصه في الخلاص
والخلاص في النهايه
والنهايه دي البدايه
والبدايه مش بأيدك
والنهايه مش بأيدك
طب نلف اللفه ليه
لفه لما بنيجي فيها
واما نمشي بنمشي بيها
بس بين اللفتين
لفه جامده دوختنا
سمعتنا كلام خوتنا
لفه لو سلمت بيها
واقتنعت انك لاقيها
مش بأيدك تفتديها
ومش بأيدك تبتديها
او بامرك تنتهيها
تعرف انت ان الخلاصه
في الخلاص هو الخلاصه
والخلاصه في النهايه
والنهايه دي البدايه
بس هنعمل فيها ايه
دايره لازم تمشي فيها
بس اقول ياريت كمان
وانتوا ماشيين خلوا بالكوا
ان وقعتها حرام
وان اخرتها كلام
كلمتين موزونين
بس بين الكلمتين
بحر عالي
موجه هايج
كلمه يا تديك خلاصه
او توديك للخلاص
افهموها انتوا براحتكم
كل واحد شاف طريقه
باختياره كان رفيقه
بس في الاخر طريقك
امشي فيه بس بأمان #بقلم ابى