@FA_Albalooshi
يا قسو قلبك.. كيف هانت غلاتي؟
وكيف استهانت في عيونك دموعي؟
أرخصتني من عقب ما هي حياتي
وخليتني شايل جروحي بضلوعي
يا ما سقيتك من صفا ذكرياتي
واليوّم لـ جروحك مطيعٍ وطوعي
ما كنت أظن إنّك سبب في شقاتي
وإنّك بتطفّي في حياتي شموعي ! ☹️
يا جميل الوصايف اطلب الي تريد
بس امر عليه و كل عمري فدااك
قول شلي بقلبك عطني كل المفيد
آه يا زين همسك كالعسل من شفااك
يا ويل حالي.. الدنيا عقبك ما تسوى
ليتك تشوف القلب وش كثر اشتاق لك
يا غالي.. الدنيا صارت صعبة بغيبتك
ويا قو قلبي.. وهو مشتاق لطيوفك !!
ليه الجفى يا فلان والقلب يغليك.. وأنت تدري روحي تموت فيك؟
العين تدمع كلما حل طاريك.. وأتعب بغيابك لو يطول تجافيك
تعبت من البعاد والشوق ذباح.. وقلبي من غيابك ما عرف مرتاح
محتاجين بعض والروح لج تباح.. متى يجمعنا الدرب وتزول الجراح ☹️
كنت أسهر لعيانك وصرت أنام عشان أنسى قسوتك..
وعقب ما كنت أداري خاطرك.. ضاقت عليّ حيلتك ! ☹️
يا فلان كافي تعبنا.. والروح عافت طاريك
سهرت ليل المحاني.. أدور الصبر بعناد
عفت الغلا والمحبة.. وبعت دربٍ يجافيك
شليت اسمك من أفكاري.. ولا للحب عندي أبعاد!! ☹️☹️
يا فلان القلب يغليك.. وفي بعادك يطريك
وطاريه ما يفارق خيالي.. وساعة سهر ليلي
واليوم عفت غلاك.. وبالبعد أنا بكفيك
محيت طاريك بالمرة.. ولا أبغيك في بالي! ☹️
هو الغلطان.. ويوم الوقت عاتبني
طلبت البعد بوعيي وروحي فيك مكسورة
عفت دربه وجفيته والشوق متعبني
أدفع ثمن عزة نفسي ونار الشوق مستورة
أكابر بالظهور وأخفي ما تعبني
وأموت من الغلا وأكتم دموع مقهورة
أنا اللي بعت وده والغلا طاح مني
وأدور لي عذر لو عاد.. ونفسي مكسورة!!
عطيتك قلبي المخلص.. وعيني
وخليت العنا والدمع ليّه
جرحت جروح ما تبرى سنيني
وتركت القلب ومقفي خطيّة
أنا مشتاقة لك والموت فيني
وروحي تكتوي بنار الأذيّة
عزيزة نفس ما يرجع ضنيني
ولو شوكي يداوي به رديّه!!