َ

لا تثق بساع
            
            بمرور الوقت راح تبطل تعامل الكل على انهم مثلك ومثل تفكيرك ، ومتضمن احد ، ومتقدس احد ، ومتميز احد ، ولا تفضل احد على احد ، ومراح تنطي فرص لأي احد ، ويه الوقت راح تكتشف الي تصير سهل وياه راح يستهلكك ويستغل اقل فرصه حتى يوصل للي يريده منك خصوصاً الناس الي كل همهم نفسهم ومصلحتهم ( انانيين ) ، ويه الوقت راح تعرف انو الطيب والضعيف صعب يعيش بهل وقت كلش صعب ، ويه الوقت راح تعرف انو يحتاجلك وقت يله تثق باحد ولازم تفكر بكل خطوه تخطيها قبل لا تتصرف ايشيء لان ممكن تنكلب ضدك ، ويه الوقت راح تتعلم مو كلشي تشوفه تصدكه ولا كلشي تسمعه يعني حقيقة ، ويه الوقت راح تشوف التمثيل يم البشر اكثر بهواي من الافلام والمسلسلات، ويه الوقت راح تعرف مو اي شخص يضحك بوجهك معناها يحبك ويريدلك الخير ، ويه الوقت راح تعرف مو كل كلمة احبك يعني صدك احبك مرات تجي
            اكرهك بس المقابل يستحي يكولها بوجهك ، راح تفهم الحياة
            صح وتتصرف صح وتحجي صح وتحس صح وتميز صح وتحب
            صح بس يرادلك وقت تفهم .

-الرسالة ؛  الثقه بشخص الخطأ او الثقه بشكل عام بشخص

الاهل بصورة عامة ميثقون بينة ويشكون هوه صراحه مو قصة يشكون وميثقون هيه قصه خوف وحرص عليكم لان يحبوكم ويعرفون هل وكت شيصير وميصير بيه خصوصا احنه بوكت يخوف ومحد يرحم احد والكل منتضر خطا منك حتى يحجي بيك يخافون عليكم من الهوا والله انتو قطعة من روح اهلكم وان كان تصرفهم كلش مو زين وياكم وتحسون بضغط وتعب وقهر وتضلون تفكرون وتقلقون وعبالكم ميثقون اهلكم بلعكس اكثر الناس الي تعرفكم ويعرفون شنو تربيتهم بس هيه كتلكم قصه خوف وحرص وان جان البعض يشك وميثق هيج شي اكعد وي اهلك واحجي وياهم عادي مابيها كلشي اله حد يعني مو تكعد تقهر بروحك ابوي ميثق بيه كله يابه انه شمسوي تشك ومتثق بيه انه تربيتك معقوله تشك بيها ماخون ثقتك ولا اهز شعره منك هيج، اهلكم اكثر الناس الي يعرفوكم ومن المستحيل ميحبوكم كل الي يتمنو هوه تكونون بصحة وعافيه وتمشون بطريق الصح يحبون يفتخرون بيكم وبمستقبلكم كونو دائماً واثقين من نفسكم ولتخافون من الشك والقلق هاذ شي عادي والله انتو ماعدكم غير اهلكم كولو الحمدلله  انو احد يخاف عليكم كل تصرف وكلشي اله سبب.

- الرساله ؛ عن الاهل.

+ماراح اذكر اي اسم. فقط انشر الي تستحق النشر حته البقيه ياخذون درس .

هل حساب سويته فقط الي يريد يفضّفضّ او نصيحه او اي شي يريد يحجي ومحد راح يعرف بي فقط انه ويه الشخص