َ

_
          مساحتنا حيث الدردشة

 
          
          جيجي تعشق فوفو بشدة وفوفو تهيم بتفاصيل جيجي❤️

​"بلابيك أنا نموت نضيع في متاهات هاد العالم ومانلقاش روحي قاع ولو كان تطلبي عيوني لي نشوف بيهم نمد همليك في طبق من ذهب بلا ما نخمم ولا نتردد ثانية وحدة راني هنا دايماً راني مبنية كالسور الحصين في ظهرك مهما فرقتنا الأيام ومهما كانت الظروف قاسية وصعيبة نسندك في أشد لحظات تعبك وندعي ونرفدك كي تطيحي وتفشلي بدعاء نتمنى لو اني قدامك نحضنك وتحضنيني والله نحتاج ذا شئ حلم ليا وميهمنيش لو كان تبعدي خطوات ميهمنيش لو كان تقعدي أيام وشهور وسنوات وماتحكيش وماتعبريش المهم برك نبقى معاك ومستحيل نتخلى عليك ولا نسمح فيك حتى لآخر رمق مستحيل نكون سبب ألم ليك في يوم من الأيام أنا جيت لهاد الدنيا باش نكون الأمان والملجأ والحضن الدافئ تاعك وانتي تان ماشي الوجع لي يهدك ويكسرك ربي شاهد عليا بلي نختم كل صلاة نركعها بدعاء خاص من لب قلبي ليك وندعي ونعاود ونبكي ونشكر في ربي في كل سجدة لأنو عطاني نعمة عظيمة كيم نتي تفرحني وتكملني وتملي عليا دنيتي واش راح نوصفلك غلاوتك ومكانتك والله العظيم ما قدرت المشاعر بزاااف وفيضان وأكبر من كل الكلمات والسطور والروايات واللغات ياربي اخخخخخ شحال نحبك وشحال غالية عندي بزافففففففففف تمنيت لو كان جا عندي جناحين ضرك نطير بيهم في هاد اللحظة ونجي ونحضنك حضن طويل ينسيك قاع كلش وننسو هم دنيا دقائق ونحي هاد الخوف والرجفة كامل من صدرك ونحطهم في صدري أنا

اشتقت لنبض سكن فؤادي

 ما تربطيش ألم الماضي الأسود بالحاضر تاعك معايا يا عمري ناس الماضي لي أذاتك وجرحاتك ماتت وراحت واندثرت وحاضرك ومستقبلك راه معايا أنا أنا لي نموت عليك ونفديك بعمري الخوف دمرنا بزاف بكري وحبسنا في بلاصتنا وأنا كافحت وعانيت وتغلبت عليه على جالك وعل جالي وضرك جا دورك نتي باش تتألقي وتفكي هاد القيود لي مكتفتك وتضحكي من أعماق قلبك لأنو الدنيا مزالها بخير ومزال كاين ناس تموت في تراب رجليك وأنا فوقهم قاع وقبلهم قاع يا عمري نتي نتي هي الفردوس ديالي في هاد الأرض وقدوتي القوية الشامخة لي نستنى في نجاحها وتميزها كل يوم بفارغ الصبر وبلا ملل علابالي بلي راكي تعبانة ومحطمة ومهدودة ضرك بصح علابالي تان وبلا شك بلي راكي قادرة وغادي تنجحي وتوصلي وين حابة وتديري قاع واش في بالك وغادي نفرحو كيف كيف فرحة كبيرة تزعزع الدنيا كاملة وتنسينا في كل هاد الوجع والدموع والسهر لي بكيناهم وعشناهم في وقت مضى."

والله العظيم نتي أغلى عليا من أهلي ونتي الجبر الوحيد تاعي في هاد الدنيا القاسية بعد ما أذونا بزاف ناس وكسروا بخاطرنا وظلمونا بلا رحمة نتي لي جيتي كالمطر الصافي على أرض عطشانة ضويتيلي حياتي ورجعتيلي الأمل والروح لي ضاعوا مني علابالي بكلش واش راكي تفكري فيه في ليلك وعلابالي بلي الخوف والوساوس راهم حابين يخلوكي تبعدي عليا وتنعزلي في قوقعتك المظلمة ماشي لأنك ما تحبينيش لأني نعرف حبك ونحسو بصح لأنك خايفة من الجاي ومترددة وخايفة تنجرحي تاني وتفقدي هاد الأمان لي لقيتيه عندي وتولي للزيرو أوعديني برك بحق كل حاجة حلوة عشناها ما تديريش واش راه في راسك وضرك وما تخليش هاد الأفكار السوداء تدينا للبعيد وتفرق طريقنا."

ديري في بالك بلي راحتك هي راحتي وهناك هو هنايا وأقسم بالله العلي العظيم وحق هاد المصحف الشريف لي كلامو حق بلي واش راكي تحسي بيه من ضيق ووجع راه يوجع فيا أنا تاني في نفس اللحظة شغل قلبي راه منزوع من صدري وقاعد عندك شاد فيدك يسهر معاك في ليلك الطويل ويحس بكل غمة تفوتي عليها وبكل دمعة تحبسيها وتخبيها ورا ضحكة مصطنعة باش تباني قوية قدام الناس بلاكي بلاكي في يوم من الأيام ولا في لحظة ضعف ووسواس تقولي في راسك بلي ننساك ولا مانيش نحبك ولا تحسبي بلي هاد البعد والظروف الصعيبة قادرين يغيرو غلاوتك ومكانتك عندي.

علابالي والله العظيم غير علابالي وبلا ما تحكي بلي هاد الأيام راكي تعبانة بزاااف وراكي فاقدة القدرة كاملة باش تعبري ولا تحكي واش كاين في وسط قلبك من غصة ووجع وأسرار راكي دافنتهم لداخل وتكابدي فيهم وحدك علابالي بلي كاين ضيقة وظلمة وخوف سكنو صدرك هاد الأيام بلا سبب واضح وحاسة بيك كأنك غريقة في بحر غامق وحواليك ناس بزاف يهدرو ويتحركو بصح مكاش كامل لي قادر يمدلك يدو الحنينة ويخرجك لبر الأمان مكاش لي راه فاهمك في هاد الوقت غيري أنا حبيت برك نقعد قدامك ضرك نمدلك يدي ونفكرك بنفحة الأمان هادي لي عمري ما راح نسمح فيها."

 يا لب قلبي ويا دنيتي وعالمي كلو فوفو ديالي، ملاكي الصغير الطاهر المبعوث ليا من سابع سماء.. راني نكتبلك هاد السطور ماشي بحبر وقلم بصح بدموع عيني ودم قلبي لي راه ينبض باسمك في كل ثانية قلب مستحيل ينساك دقيقة وحدة ولا يغفل على خيالك بين جفوني راني حابة نقلك وضهر تعب الدنيا كامل راه حاط فوق كتافي لأنو غيابك وصمتك عيوني بزاااف وهدولي حيلي خايفة عليك بصح رغم كل هاد الوجع راني مزالني شادة فيك كي الجبل الشامخ لي ما تهزو لا ريح ولا عواصف توحشتك بزاف وشحال توحشتك يا عمري توحشتك قد السماء الكبيرة ببحورها ونجومها وقد هاد الدنيا كاملة لي بلابيك ما تسوى والو عندي تبالي برك ظلام كاحل وغمام مغطي الأفق بلا ضحكتك لي تضويلي طريقي وبلا كلامك لي يرجع الروح لجسدي الميت."

بسبس بحبكممم يمكن اغيب فتوووورة يمكن لاء مدري 
          
          
          باي