وين چنتي؟ 
وليش متأخره علي ڪل هالسنين 
وليش ماطيفج اجه وفزز صفنتي 
وين چنتي 
ڪبل تسع سنين مريتي 
على عيني وماوڪفتي 
ليش من دڪ الجرس 
ماصارن عيونچ فرصتي؟ 
ليش يااول درس يُفترض انتِ 
ليش من ڪف العمر هسه ضهرتي 
وين چنتي؟ 
وين چنتي ڪبل ماتوصل الفضه لڪذلتي 
وليش من عبرن محطاتي رڪبتي 
وليش فتَحتي من ذبلت وردتي 
والله لو عندي بخت 
چان لمچ من سنين بختي 
وين چنتي 
چان هسه دموعي ماڪو 
وخابصه العالم ضحڪتي 
وين چنتي وليش متعطله وصلتيي 2023/5/31