فوفو

هَلكد مو مُهم عندك ولا 
                ودَيتلي حچَايه؟

ومثل نار ب كطن 
          ما بَينت مهموم 
          بارد ب الوجه 
          وانه احترك سكته 

   اهَج اليا صُوب؟
          يا ديِره التِلم روحِي واَرد 
                      انسَان! 

وبخيبة عراقية :
          احس روحي چَنت بأيامهم نزوة
          اغم كلبي الرچيج المَا عرف يهوة! 

چنت اخاف من المكابر 
          هسه روحي تريدها 

بَس هسَه،
          تفكيري اختلف 
          راحَة البال
          مَن أنعزل 
          وأنسَاها للحَنية 
          واسَراري اخليهَن الي 
          ما أريَد اي واحَد بعَد 
          يعَرف شصاير بيَه .

لتلومني انت السبب 
          والصار كله من ايدك
          وياك واصل مرحله 
          احتاجك .. وما اريدك 

صديقي الكال امشي وياك للموت
          سمع بالكروة عشرة وكال ما اروح 

ضل مرتاح 
          شلك بيهَ مافيدك 
          وعلى كلشي رجيج
          وبالي مو وياي 
          اكرهك مدري
          احبك مدري ماريدك  .!

لو متتَ اني بيوم 
          هم تبجي وتنوح! 
          لو مثل باقي الناس 
          بالثالث تروحَ؟