anne-f-24

بعد إذن الكاتبة ، أتمنى تعجبكم وتدعموني بفولو وڤوت 
          
          " لا انتي هتفضلي هنا ولمدة سنة كمان مش ثانية !"
          
          هزت رأسها نافية ، ليلتفت هو جالساً بأريحية شديدة فوق أحد المقاعد يرمقها باستعلاء من أعلى خصلاتها المشعثة بفعل يده حتى أصابع قدميها العارية 
          
          " اسمعي بقى اللي هقوله ده كويس اوي، عشان تعدي أيامك معايا على خير !"
          
          اخرج احدى سجائره يشعلها بتريث شديد ، وهو يسخر بداخله منها انها حتى لم تفكر بالجلوس ، بينما هى شاهدته يدخن للمرة للأولى  ومن كثرة ما يهبط فوق رأسها لم تفكر حتى بالتنفس .
          
           " قدامك حلين ، يا هتعيشي سنة في البيت ده في أوضة لوحدك زيك زى أى كرسي هنا ، وهتتنازلي عن الإدارة بتوكيل دايم وهتبيعيلي كل أسهمك وهشتريها منك بضعف التمن   وتاخدي أرباحك عشان انا مش حرامي ، وبعد سنة هطلقك وتاخدي كل حقوقك وتمشي من البلد كلها ومش عايز المحك فيها صدفة  يا أما ..."
          
          هزت رأسها  نافية في سرعة وخوف حقيقي 
          
          " مستحيل أعيش معاك يوم مش سنة ..."
          
          ابتسم نافثاً دخان سجائره نحوها وتحدث ببرود 
          
          " يبقى تقضي خمسة وعشرين سنة بقى تأبيدة ، بتهمة نصب واختلاس ، بس ساعتها الطريق ده هيزعلك مني  اوي ، عشان السجن ولا حاجة قصاد اللي هعمله فيكي لو مختارتيش تعيشي معايا سنة "
          
          لم تعد تراه من كثرة بكائها ، لينهض يواجهها شاعراً بالغضب من رؤيتها أمامه وتحدث مهدداً
          
          " هلبسك قضية زنا ، وسمعتك هتبقى على كل لسان في مصر ، واوعي تفكري لحظة ان الجنسية اللي معاكي دي حمياكي مني هنا ، مش هقولك اعرف ناس من أمن دولة وسفارة ومطار ، بس لو حادثة عربية لجثة متفحمة في إيطاليا معها جواز  سفرك وبطاقتك هناك ، آسيا الشاذلي الإيطالية هتموت ، وابقي اثبتي انك عايشة بعد ما اطلعلك قرار منع سفر ، أو  ايه رأيك لو حبستك انا بجد في اى داهية برة مصر ومتشوفيش النور التاني لحد ما أنا أزهق !" 
          
          https://www.wattpad.com/story/364183153?utm_source=ios&utm_medium=link&utm_content=story_info&wp_page=story_details&wp_uname=anne-f-24