Nyel

Hello Kuya!

Dapat ngayon ang araw na ipo-post ko ang kabuuan ng bagong istoryang aking nasulat. Ngunit, ngayon ko lamang napansin na may isang kabanata ang nawawala.
          
          Nonetheless, posted na ang first 5 chapters ng bagong istorya na aking nasulat na pinamagatang, TAKE ME TO HEAVEN. Isa itong fantasy-novel at ito ang ikalawa at huling nobela na aking natapos na isulat ngayong taon.
          
          Maraming salamat sa lahat at manigong bagong taon! Enjoy the rest of 2020 and let's welcome 2021 with big smiles and whole-heartedly! ❤️

Maligayang Pasko! ❤️

Magandang gabi!
          
          Nais ko lamang ipabatid sa inyo na nasa aking account na ang lahat ng istorya na nakapaloob sa Empire Saga, Since Series at ang Death Survival. Kung inyong mapapansin, ang Cursed Merman ay may siyam (9) na kabanata lamang na taliwas sa aking ipinangakong labing-anim (16) na kabanata. Ipagpaumanhin niyo ako dahil sa kasagsagan ng aking pagsusulat ay inatake na naman ako ng sakit kung kaya't hindi ko napilit ang aking sarili na magsulat.
          
          Hangad ko ang kasiyahan ng bawat isa dulot ng aking mga likha. Maraming salamat!

CURSED MERMAN (previously titled as Trapped Merman) is now back with its new Prologue! I hope you enjoy reading!
          
          Other stories in Empire Saga will be posted in my account tomorrow, as well as SInce Series and Death Survival.

Para sa lahat ng mga mambabasa ng TRAPPED MERMAN (ES1B1),
          
          Magandang araw!
          
          Pansamantala ko munang inalis sa TRAPPED MERMAN sa aking account. Humihingi agad ako ng pasensya sa mga nagbabasa pa lamang nito. Ngunit, sa darating na ika-16 ng Setyembre, 2020, muli kong ibabalik ang ES1B1 sa aking wattpad account na may 16 na kabanata. Asahan na sa oras na maibalik ang nobelang ito ay maraming nabago, simula sa titulo ng nobela hanggang sa mga lamang kabanata nito. Huwag mag-alala dahil iilan lamang ang aking tinanggal na mga kabanata at maraming mga bagong eksena ang aking dinagdag.
          
          Maraming salamat sa inyong malawak na pang-unawa. Hiling ko na sana'y patuloy niyong suportahan ang ES1B1 hanggang sa huling libro ng Empire Saga Fantasy Series!
          
          - GinoongDan

Magandang Gabi!
          
          Ang araw na ito ay eksaktong isang buwan bago sumapit ang aking kaarawan. Sinabi ko sa aking sarili na sa pagsapit ng aking kaarawan, buo kong ipo-post ang major revision ng aking unang nobela, ang TRAPPED MERMAN (ES1B1). Sinabi ko ito sa aking sarili upang maging regalo ko sa aking sarili at maging sa aking mga mambabasa.
          
          Ngunit, ngayon pa lamang ay humihingi na ako sa inyo ng paumanhin dahil hindi ko maisasakatuparan ang aking nais. Sa mga nagdaan na linggo, sunod-sunod akong dinapuan ng sakit (malaki ang pasasalamat ko't hindi Covid ang aking naging sakit). Kaakibat nito ang pangamba at hindi magandang dulot nito sa aking pag-iisip dahilan kung bakit hindi ko napagtuunan ng pansin ang pagre-rebisa ng aking nobela.
          
          Sa kabilang banda, ngayong umaayos na ang aking pakiramdam, muli akong nagbabalik sa pagsusulat. Sa pagsapit ng aking kaarawan, maipapangako kong maipo-post ko ang unang labing-anim na kabanata ng TRAPPED MERMAN (kaakibat ang bago nitong titulo). Magkakaroon din kayo ng pagkakataong mabasang muli ang aking mga nakaraang likhang nobela, maging ang aking mga paparating na nobela ay maaari niyong makita.
          
          Hiling ko ang maayos at masiglang kalusugan para sa lahat. Ating sundin ang bawat patakaraan ng ating lugar upang makaiwas tayo sa pagdapo ng virus sa ating katawan. Pangalagaan din ang kalusugan ng ating isipan at maghanap ng maaaring mapagkaabalahan upang doon mapunta ang ating atensyon.
          
          Maraming salamat!
          
          - GinoongDan

Dahil pasado na tayo for second year and may major na rin ako, tuloy ko na ang revising ng Trapped Merman!

Pansamantala ko munang ititigil ang paga-update ng kuwentong Since He Left dahil itutuon ko muna ang aking atensyon sa pagrerebisa ng Trapped Merman.
          
          Maraming salamat sa malawak na pang-unawa!

Para sa mga mambabasa ng Since He Left, kasalukuyang may hinaharap na problema ang nobela dahilan upang itigil ko muna ang pagsusulat nito. Hindi tiyak kung kailan ito matutuloy ngunit nasisiguro kong para ito sa ikabubuti, hindi lang ng nobela bagkus, ng lahat.
          
          Maraming salamat sa inyong malawak na pang-unawa! Sisikapin kong ayusin ang problema at maituloy na agad ito.