hanen

اليوم عيد ميلادي و هاي اخر طعش بالحياة يماا الموضوع بخوف اصير بعدين بالعشرينات و حراكات العععع 
          مر اليوم اقل من عادي ما حسيت فيه و فوقها شغالة زي الخدامة يزم اععععع(ToT)(ToT)(ToT)

اذا سألتني عن حلمي سأقول لك و بشغف الطب و اذا سألتني بشكل أعمق سينطق لساني بما لن يعجب امي و اقول لك ان انا التي هنا اتمنى ان تموت او تنتهي و تختفي من حياة الجميع  و تبدأ في مكان جديد و حياة جديدة بعيدا عن كل من يعرفونها او تعرفهم مكان تكون فيه حرة اكثر بأسم جديد يعجبها و لربما ببعض الأفكار الجديدة لما لا لكن بذات الشخصية. أريدها  ان تبدأ من نقطة الصفر بأحلام جديدة غير تلك التي رفضت الحياة منحها اياها و بأهداف تليق بما هي عليه بشغف جديد ايضا تماما كالذي كانت تمتلكه و هي في الصف السادس الابتدائي، أريد أن ابدأ من مكان في شقة بناطحة سحاب لربما و اعيش بها لوحدي و شارع أسير به و انا اغني بكل ارتياح من دون فكرة الاهتمام بهذا ماذا قد يقول و هذا سوف يخبر  احد والداي او اقاربي، اريد ان اجرب تلك الابتسامة البلهاء و طريقة السير الغريبة التي لا أظهرها لأحد و لا تصيبني الا عندما يروق لي مشهد ما، و اظن انني لا اريد الجامعة تلك التي اذهب إليها فقط لأنني استمتع مع صديقاتي فيها فقط، و احب ايضا ان تتعلم انا الجديدة الرسم كما كانت تحلم ان تتقنه إلى الحد الذي يجعلها كلما مرت من مشهد يعجبها جلست أمام ذلك المشهد او المنظر و اخذت ترسمه بحب شديد و استمتاع كما هو في مخيلتي الان. و اهٍ لو امكنني ان اجلس في مقهى يطل على شاطئ ربما او شارع حيوي و راقٍ انظر و اجلس بالساعات انظر إليهم بشرود بينما اشرب القهوة المثلجة من دون أن اخاف من فكرة ان أثير قلق والدتي بتأخرِ او عدم أجابتي على اتصالاتها. و اريد ان تجرب نفسي الحديثة ركوب الخيل و الأشياء المجنونه المختلفة.... حقا بدأت احلم بهذا 

اهلا 
          ما كنت متوقعة في يوم من الايام اني اكره الجامعة رغم اني كنت بسعى الها بالمدرسة و للحياة الي رح تكون وردية فيها بس كانوا يضحكوا علينا ..........سلام 

اخيرا وليس اخراً 2024 ترفع الراية البيضاء هاي أطول سنة مرت علي بحياتي يخرب بيت اليهود كل اشي صار بهاي السنة افف لازمها رقصة والله ((T_T))((T_T))

هسا ليش كل الي حولي مستسخفين فكرة انكساري اني ما حققت الي بحلم فيه ليش الكل بحكيلي اني مكبرة الموضوع معقول انا عنجد بس مكبرة الموضوع معقول انه الامر ما بستاهل كل هالبكي و الدموع بس والله انه اشي بجرح والله يعني كان بدي والله كان بدي يارب انا كان بدي و ما عندي مانع اني افني عمري مقابل اني ادرس طب و لو عشرين سنة مش سبعة او عشرة بس بنفس الوقت الكل بحكيلي انتي مكبرة الموضوع و هو مش مستاهل ترا والله مستاهلة والله مستاهلة يعني الحمدلله بس انا مش بالمكان الي بتمناه مش بلي كنت متخيلة اكون فيه ولا حتى قريب من طموحي معقول انا مش قده يعني طيب انا حتى مش قادرة ادرس اقسم بالله مش قادرة ادرس انا الي كنت اموت ولا تروح مني علامة انا الي كنت ببكي على الوزاري العربي لاني ضيعت ٨ علامات عليه ولا الكيمياء الي علامته ما الها علاقة بالتعب الي عملته و لا فيزياء ولا الرياضيات كل اشي انا غلط انا مش انا حرفيا بحس حالي انطفيت وهذا الاشي بقهر والله بقهر انا مش قادرة اتقبل حالي ولكوا انا كنت بوكل الكتب اكل هسا حرفيا اقسم بالله ولا كلمة ولا حرف قادرة افهم ولا احفظ ايش فيي ايشششش فييييي مش عدل الي قاعد بسير والله تعبت 

انا بدي اكون دكتورة مش صيدلانية بس لما ارجع افكر شو الاشي الي ممكن اعمله اكثر من الي عملته بالتوجيهي قصدي انا عملت كل اشي حرفيا كل اشي ابش ممكن اعمل اكثر من هيك كان بدي بس ادرس طب يعني هسا انا كان لازم اشتغل اكثر كان لازم اكثر صح حتى اقدر ادخله بس عنجد لما افكر حتى تأنيب ضمير ما بحش لاني عنجد عملت كل اشي شو اكثر من هيك بس بدي اعرف عشان بس ارتاح يعني بس عشان بس اقتنع ((T_T))((T_T))

اقرأي اللي تحت بعديم الي فوق تدخلي حكيي بس والله انجوي بحياتك احنا بنعيش مرة وحدة لا تخلي مشاعر الاحباط تتعمق جواكي كل شي رح يكون بخير ولن يصيبنا إلا ما كتبه الله لنا

ومن حكيك انتي جد فاتحة مجال انهم يأثروا على أفكارك  . مين ما كان ما تسمحي لحدا انوا يأثر عليكي بطريقة عكسية حتى ولو كان اقرب الناس لالك . ادعي ربنا انوا يكون نصيبك من الخيرين وربما ما برد حدا فكرة العيلة الخاصة فيكي اشي كثير حلو بس لازم يكون الشخص مناسب وتكوني انتي جاهزة عقليا وفكريا وحاضرة لهاي الخطوة بكل احاسيسك وجوراحك وكل شي خير اذا كان ضمن الحلال .ما بدي احكيلك عن كمية البنات المقرفات  والشباب اللي شفتهم بالجامعة  امراتا بحس انوا عايشين بدولة اجنبية مش عارف البنت اللي بتحكيلي مع شب وبتطلع معو فاتحيله مجال من الاخر شو بتحسي يختي عن جد انا مش مستعدة اضيع وقتي عشان هيك اشياء بلا طعمة ايش القرف هاد جد نصيبي رح يجيني بالحلال  ومعظم البنات اللي بحكوا مع شباب مستحيل تكون غبية لدرجة تكون مصدقة انوا بحكي معها لحالها اللي بحكي معك بحكي مع مليون بنت غيرك جد وين عقولهم مش عارفة  بامن انو في حب بس مش حب الشوارع هاد ✋️ 
           وشو كمان  اه وانا برضوا مثلك مستحيل احب ممثل او مشهور مين ما كان اتخيل انوا زوجي يعععع انا برضوا ما عمري حبيت مشهور بمعنى حبيته إعجاب بموهبة او شخصية لا أكثر الناس منجنة الناس عن جد انبهلت بيقعدوا بعاملولك المشهورة على انوا حدا اعلى منهم وياي نوخد صورة  ...اكيد شفتي القرف اللي بصير بحفلات الشامي اشي بسد النفس الله يثبتنا بس...  ما عمرتي حبيت رجل غير اهلي المقربين   معجبة مثل ما حكيتي بشخصية ولطافة جونغكوك بس بتفرج عليه بوقت فراغي اذا كان جاي عبالي بسمع اغانية ومش متعمقة بشخصيته بس اعجاب سطحي ما بعرف بس بحس هاي الفترة ما عندي مشاعر اعطيها لحدا مشاعري نفسها مش فاهمينها عشان أضيف عليها مشاعر جديدة .

اسفة بس ضحكتيني واضح انهم أكلوا راسك بفكرة الزواج وخابرك بنفس عمري... عادي بتمر علي برضو لحظات بسميها قرف اجتماعي بس لو نجي عن جد لا توخذي كل شي من مرايتك او شباكك لا تحكمي على شي بس لأنك شفتي فئة من  الناس اللي حوليك او ممكن كل المجتمع اللي حوليكي متحجر او عقلية قديمة لو بتحطيهم جنب ابو جهل بفوزوا .
           مع احترامي لالك حتى انا عندي هاي الأشكال بس قدرت افصل بين تجاربهم وتجاربي انا لساتني ما عشت تجربة الزواج واكيد مش جاهزة لالها حاليا بس ابدا مش نافرة منها بالرغم من انو كل اللي حولي فشلوا فشل ذريع بانهم يكونوا عيلة سعيدة ما في عندهم وعي بس لاكون واقعية عن جد الناس شغل حكي ما رح تقدري ترضيهم ولو شو ما عملتي  لانو ارضاء الناس غاية لا تدرك ومضيقين نظرهم على المرأة انو تحملي وتزوجي اشتغلي اطبخي جيبي ولد يلا احملي بس كل هاد ما الهم دخل فيه اكثر كلمة بكرها بحياتي لما يجوا يحكوا لمرأة متزوجة جديد لسا ما حملت ليش وبكل وقاحة بجيوا يسألوها ليش ما حملتي مش ناويين والله جيل جديد كثير مرت علي هاي العبارات  وهاد تخلففففف اكيد تخلف وما سمحت لهاد الشي انو يغير نظرتي عن الزواج  ما بنكر في كثير أهالي بضيقوا الدائرة على بناتهم انو انتي ادرسي شو ما تدرسي اخرتك رح تتزوجي حتى بتلاقي بيهمل دراستها وبرضوا بعيد وبكرر ربنا رح يحاسبوا 
          الله  عز وجل كرم النساء في كثير من الآيات وفي سورة اسمها سورة النساء الإسلام عز المرأة وكرمها والرسول صلى الله عليه وسلم  كنا احنا آخر وصاياه  لما قال" استوصوا بالنساء خيرا ". لو بس تعلموا كيف كان النبي يعامل اهله وزوجاتهم وبناته كان الحياة بخير بس احنا عن جد صرنا بزمن الطالح اكثر من الصالح اخلاق الإسلام بتنسحب من شبابنا بشكل بخوف بس مع هيك لسا الدنيا فيها خير .
          حاليا فكك من كل المجتمع المقرف هاد وركزي على حالك ركزي كيف تطوري من حالك كيف تصيري افضل نسخة هاد اللي بدك تركزي عليه اصنعي لحالك عالم خاص تكوني مرتاحة فيه كل هاي الأفكار بتستهلك طاقتك على الفاضي حكي الناس لا بقدم ولا بآخر.  
          وصدقيني فكرة الزواج حلوة ولا تنفري حالك منها بس لانوا فلان وعلنتان بحكي.. مبدئيا هموا بحكوا لانوا هاد الاشي الوحيد االي عندهم اياه بيقعدوا بنظروا على الناس وبحكموا عليهم  يمكن لانهم شايفين منك امل تكون تجربتك حلوة فبحاولوا يخربوها عشان يخففوا على حالهم فشلهم  انوا هي الكل هيك

و لا الي بتقولك انك بتحبي جونقكوك يعني نوعك المفضل الكوريين يا عمري ما اغباكي انتي يعني اروح اركض ورا اي كوري بالشارع تعال اتزوجني يحرق حريشك يعني اعمل هيك او اذا بحب اسمع و اشوف فيديوهات الشيخ علاء يعني بالتعليقات اكب بلاي عليه و احكيله يتزوجني ربط المواضيع غريب عجيب والله 
           بحب جونقكوك لاني بحب اغانيه بحب كيف انه مهتم فينا شخص لطيف بس مش يعني بدي اتزوجه عمري ما فكرت للحظة اني اقوله اتزوجني و اذا طلعت مني بتكون مزح انا ما وقعتش بحب حدا من قبل و ما اطلعت على شب في يوم بنظرة اعجاب و انه تعال سولف معي بكره هاي النوعية من البنات الي هيك بعدين عنجد ممكن انا اشوف ممثل مغني او مؤثر و اعجب فيه كشخصية بشكل عام غيرها مستحيل اتخيلوا اقعد افكر اتزوجه اععع 
          بعرف انه يمكن كلامي غلط و كأني مراهقة بس جد والله الكل بتمسخر علي عشان هذا الموضوع انا ما بدي اتزوج و ما بفكر بهذا الموضوع نهائي مو انه هسا و يمكن بكرا اه لا لأ ابد بديش اتزوج 
          اجيت فشيت غلي هون لانه بقدرش احكي بغير مكان