EnasHabib6
أمي بتقولي لما تحبي تطلبي حاجة من ابوكي اطلبيها منه وهو رايق اول لما تلاقيه بيضحك ومزاجه حلو اهجمي بطلباتك..أخش عليه بالشويتين بتوعي حبيبي يا بابا وألين دماغه بكلمتين حلوين وبيوافق
طب انا عاوز حاجات كتير "أنجح..أفرح...أحلامي تتحقق..اتجوز...ارتاح في حياتي" اطلب ده من ربنا امتى ؟ ولله المثل الاعلي طبعًا "في اوقات برضوا لو طلبت فيها حاجة من ربنا يستحيل يردك ويكسفك..هيلبيلك طلباتك المُستحيلة في نظرك..معقوله ؟ أيوه والله في اوقات الدُعاء فيها بيكون مُستجاب..طب ايه هي الحقني بيها الله يباركلك
-لما تلاقي الدُنيا بتمطر ادعي دعوتك مستجابة
-ادعي لما تسمع الاذان لحد لما يقيموا الصلاة الدُعاء بين الاذان والاقامة باذن الله مُستجاب
-ادعي وانت ساجد الدُعاء بيكون واصل للسما ومستجاب
-ادعي وانت بطلع جنيه او اتنين لاي حد مسكين دعوتك وقتها مُستجابة
-ادعي وانت صايم "للصائم عند فطره دعوة لا تُرد "
-ادعي طول النهار يوم الجُمعة في ساعة بيكون مستجاب فيها الدُعاء ١٠٠٪
-ادعي بعد الساعه ١ بالليل لحد الفجر ربنا بيكون وقتها مستنيلك دعوه او أمنية تطلبها يحققهالك
-لما حد يجيبلك مية زمزم ادعي وانت بتشربها دعوتك بإذن الله مستجابة
-قول لا اله الا انت سُبحانك اني كنت من الظالمين وادعي بعدها النبي قال الدُعاء مستجاب بعد لما تقولها
-ادعي لما تزور مريض..الملايكة هتأمن وراك دعوتك مستجابة باذن الله
-ادعي وانت مسافر لإي بلد حتي ولو رايح كليتك أو شغلك أدعي دعوة المسافر مستجابة
-ساعات بتقوم من النوم تشرب أو تدخل الحمام أو قلقان..أدعي وقتها دعوتك مستجابة باذن الله
يمكن لما تطلب حاجة من حد يوافق مره ويكسفك مرة..لكن ربنا لايمكن يكسفك والدُعاء بيغير القدر علي فكرة فمهما كنت عاصي ومهما شفت الأمور متلعبكة زي سلك سماعة موبايلك وصعب تتفك ربنا هيحلها ويدبرها "وقال ربكم ادعوني استجب لكم" ومتنساش أي حد هيدعي في الاوقات دي لما يعرفها بسببك الملايكه هتقول ولك ايضًا مثل ما دعي لنفسه لان الدال علي الخير..كفاعلِه.