Hana_Wael

https://www.wattpad.com/story/404191846?utm_source=ios&utm_medium=link&utm_content=share_writing&wp_page=create&wp_uname=Hana_Wael
          	
          	قصه جديده بشغف جديد 
          	يهمنى رأيكوا ♥️

Hana_Wael

https://www.facebook.com/share/1LSWCVDF1g/ (الفكرة)
          
          السلام عليكم ♥
          في البداية حابّة أعرّفكم عن البيدج دي…
          هي مساحة صغيرة بيني وبينكم، نتكلم فيها عن أفكارنا واعتقاداتنا، ونتناقش فيها سوا. يمكن حد يكتسب حاجة جديدة، يغيّر وجهة نظره فى موضوع معين، أو على الأقل يتعلم يتقبّل آراء الآخرين.
          
          الحقيقة إن قرار إني أعمل البيدج دي أخدته في لحظة تهوّر… آه والله زي ما بقولكم كده .
          هي فكرة من ضمن أفكار كتير جدًا بتيجي في بالي، بس المختلف إني المرة دي نفّذتها.
          ممكن تنجح وممكن لأ
          مش ده المهم...
          المهم يبقى فيه حتى لو كام شخص فاهمين ومقدّرين الهدف ♥
          
          وأول موضوع حابّة أتكلم فيه هو: الفكرة.
          
           إيه هي الفكرة؟
          أنا بشبّهها بالبنزين اللى العربية مستحيل تمشى من غيره.
          وكذلك حياتنا اللى مستحيل هتتقدم منغير وجود أفكار.
          
          تخيل كده للحظة إن دماغك فاضي خالص… مفيش ولا فكرة.
          الموضوع هيبقى ممل جدًا، مش كده؟
          
          الفكرة هي اللي بتخلي عندنا دافع نعمل حاجة جديدة.
          افكره ممكن تكون بسيطة جدًا… بس ممكن تأثيرها يغيّر حياتك كلها.
          
          الحقيقه إن أغلب الاكتشافات والقوانين اللى غيرت حياتنا بدأت كفكرة صغيرة في دماغ صاحبها.
          بس اللي ميّزها عن غيرها من أفكار كتير قد تكون عبقريه....
          هو إن أصحابها قرروا ياخدوا خطوة وينفذوها.
          
          عشان كده مهم جدًا  نصدّق أفكارنا،نتقبلها،ونديها فرصة… محدش عارف ممكن توصّلنا لفين يوم من الأيام.
          
          ❓ قولولي بقى…
          إيه أكتر فكرة خطرت على بالكم، وحسيتوا إنها غيّرت في حياتكم فعلًا؟
          أو حتى فكرة ندمتم إنكم مانفذتوهاش وانتوا حاسين إنها  كان ممكن فعلا تغير حياتكم
           #الفكره