كاتبة عراقية أنقل الواقع بحروف صادقة.
أكتب القصص اللي انقالت بالسر، واللي انكتمت بالقلوب، واللي دفنوها الناس تحت مسمّى "ننسى ونمشي".
قصصي حقيقية، من واقعنا، من بيوت عراقية، من بنات ونسوان وناس عاشوا الظلم، الحب، الكسر، والحيرة.

أجمع الحروف مو حتى أجمّل الواقع، بس حتى أسمّيه بإسمه.
أكتب عن الحب الممنوع، عن الصمت اللي ورا الأبواب، عن البنات اللي ما حصلوا فرصة يحچون.
أكتب عن التبني، عن فقد الأم، عن الزواج بالإجبار، عن نظرة المجتمع، عن الغدر، وعن ناس چانت تتنفس وتطفي ويا وجعها كل يوم.

أنا ما أصنّع مشاعر، ولا أركّب مواقف.
كل سطر، إما إنكتب من قلب مجروح... أو من لسان صاحبة قصة ما گدرت تحچي إلا بدمعتها.
اللي تكتبلي قصتها... أعتبُر أمانتها برقبتـي، وأوصل صوتها بأدب، بصدق، وبدون فضايح.

إذا كنت تحب تقرا شي حقيقي، واقعي، يحاچي قلبك قبل عقلك...
فأهلاً بيك هنانا، وياي، بصفحة القصص اللي صارت فعلاً...
مو خيال، ولا مسلسلات، هاي وجوهنا... وهاي وجعنا... بس بكلمات.