★𝓗𝓮𝓯𝔂𝓪𝓷★

موجوده

هلا اجيت

https://vm.tiktok.com/ZS9YhENn4v1FG-mWRQ0/
          وَدَّعتُكَ والقلبُ يَنزِفُ صَمتًا
          فما كانَ الفِراقُ إلّا موتًا مُؤجَّلًا
          غِبتَ فَغابَت مَعكَ الحِكاياتُ
          وأصبَحَ الحُزنُ آخِرَ أُسطورَةٍ في الرُّوح♥️
          

          احم احم 
          دادا اسمعوا هاي السالفه الي لو تنعرض مسلسل رمضاني تاخذ الاول عالعالم كله المهم كنا راجعين من سفره طويله
          
           وتعبانين تعب مو طبيعي اني واخويه عيوننه ناعسات  وجوهنا تبين كأن صارلنه ثلاث سنين ما نايمين وابويه يسوق وهو اصلا معصب من الطريق وامي كل خمس دقايق تكله
          
           انتبه للطريق وانتبه للسرعه وانتبه للبنزين وكأن ابويه يسوق طياره مو سياره
          المهم وصلنه للسيطره والشرطه الكرديه معروفين تدقيقهم يخوف حتى الي ما مسوي شي يحس نفسه مطلوب دوليا
          
           فواحد من الشرطه شافني وشاف اخويه كال هذوله شبيهم عيونهم نص متر فتحه شكلكم متعاطين هنا ابويه ارتبك ارتباك تاريخي وحسيت روحه طلعت ورجعت بنفس الثانيه قام يفتش بالموبايل بسرعه حتى طاح التلفون من ايده وانكسر الحامي وامي تكله ولك ركز لا تفضحنه
          
          وبعدين ابويه فتح صور جديتي وعمامي وكال للشرطي كاكا والله هاي مو تعاطي هاي وراثه عدنه من الاجداد كلنه عيوننه نعسانه حتى بخطوبة عمي جان يباوع للفوتوغراف وينام
          
           الشرطي بقى صافن شويه واني واخويه انفجرنه ضحك لدرجه اخويه شرق باللبان مالته واني دموعي نزلت
          والمصيبه الاكبر امي من التوتر دتكرص بينه بخفه بالبدايه
          
           وبعدين قلبت الكرصات ضربات انتقاميه تكول اسكتوا لا يودونه عدكم للفحص وابويه صار يحاول يضحك ويغطي الموقف بس ضحكته طالعه مثل صوت ماطور خربان
          
          وفجأه الشرطي يكله لابويه افتح الصندوق الخلفي ابويه من التوتر فتح الكبوت بدل الصندوق والشرطي بقى يباوع عليه بنظرة انسان فقد الامل بالحياة كلها والله لو تشوفون وجه ابويه جان تحسون الرجل مستعد يعترف بأي جريمه بس
          
           يخلونه يمشي
          بالنهايه خلونه نمشي وابويه طول الطريق ساكت وامي كل شويه تكله شفت شلون فضحتنه واحنه كلما نتذكر سالفة هاي وراثه من اجدادي نموت ضحك من جديد
          
          المهم طولت صح بس عادي فدوه الي ردت اسولف الكم بس ⁦(⁠•⁠‿⁠•⁠)⁩

تابعي حسابي الاساسي