ربًمًآ حًرهّ🕊

الحساب هاذة محذوف سويت واحد جديد

من شفتك غصن حسبالي بيتي تصير
          وين ادريك تالي تصير كتالي

دمعه النثيه تعثرك... ديربالك يلنجر!؛

كمت اخذ نفس وبريتي ينزل غيم
          وندليت علتي وجرحي كضيته
          روح الهوا بضهرك والهويته يروح
          موبس شوفه عنك سمعي غضيته
          كبل ليلك وخلكي تسابكن بلطول
          العلي ماكفه هسة بروحي كفيته
          انه بخد الندى تلكاني طايح ماي
          وصوت النفس يصهل بأ اذني خليته... 
          
          
          ل علي رشم ##@

ناس تحب خراب وكل طشاش ثنين
          يحسدون الكصيبه شلون ملموم
          هوة بس انته العزلتك بين كل هاي الناس
          ورممتك وانه بيوت اهلي مهجومه
          امس روحي شتهت واحد مزعلهة
          وحنت للمحنه الماتطيحلهة
          امس جثه هنود الروح تالي اليل
          كبال اعيون اهلهة تحترك كلهة
          امس حطيتهن مرسال يم مرسال
          وعاينت ردودك ماستاهلهن
          انه روحي التواضع وين وصلهة
          طير امشي عل جدميوناسي عدنه اجناح
          بكثر ماعشرت وادم نزلتلهة
           #$@

خسرتك ونتهت مرتين ماعيد
          انطيتك فوك حجمك بالغت بيك
          فعل ماضي وبقت ذكره المواعيد
          الشعر موباب رزقي لخاطرك جان
          ذهب جوة ايدي اصوغه شلون ماريد 
          جازفت بسمعتي بعشرتي وياك
          هملت اسمي ودست فوك التقاليد
          مونفس العمر بس جنت اداريك
          ماحسستك بفرق المواليد
          غير الياهلا شمسوي وياك
          بمحنه وصوت دافي تجويد
          واخذهن مني الك ماريدهن روح
          اعتذاراتك ورة السويته متفيد
          حسبالك كبل وافتحلك الباب 
          ماتنهي الزعل تكبيرة العيد
          
          
          حره #@

هواي كلش هواي ترجيتك للموت تضل وياي وماتغيب عني... 
          بس للاسف والله عليك انته الزدت الجروح اوجاع حيل
          اوجعتني.. 
          كتلك وتوسلت بيك ابقه وياي وشوفني شلون اهتملك
          وباسمك راح اغني.. 
          عفتني ورحت وهم بلا وداع وهسة تريد ترجع بالله شلون وقنعني.. 
          ضحيت الك بهلي  وناسي وحاربتهم لجل عينك وهسه
          انته هيج تاركني.. 
          ماكتلك انطيني ماي العيون بس ردتك تضل وياي والله 
          فراكك هواي تعبني.. 
          اسهر اليل كله علمودك وكلت هلبت يرد هسة يتصل
          وعني وعن حالي يسالني.. 
          وارجع بخيبه كلش جبيره عرفتك مواليه وانته تريدني انساك تجبرني... 
          جنت من احجي وياك اضحك للهوا الهاب بس منو الزاك اليه وكالك اكسرني.. 
          بجيت بحضن الوساد وتمنيت من ابجي تفتح اذراعك
          وتركض اليه تحضني.... 
          
          
          
          ١١:١٠^° ##

بعد ماشوف طيفك من يجي اليل
          ولا ابقه اندعيلك وكت الغروب
          ولا صوتك اسمعه لمن اشتاك
          تبت منك ولاكن كلبي مايتوب
          التناقض واصل بيه شعره بلراس
          اريدك ما اريدك ضال متعوب
          اكلك لاتجيني ومن يجي اليل
          اجيك وبيدي كلبي يخفك يلوب
          اكلك كمت اكرهك وانه جذاب
          واسد بابي واحنلك وافتح البوب
          اكلك راح اعوفك وامشي وياك
          واكض جفك لحد ما اصبعك يذوب
          التناقض خله بكلبي عطاب
          توج بيه شراره من اللبس الثوب 
          اكول اخصمهة لاكن من امر بيك
          دواي تصير اريدك وانه مصيوب.. 
          
          
          
          ٦:٤٤°^

ولا طش الكاع يلمايك شحيح.. 
          اسال مجرب اذا ماجربت.. 
          مدري ياهو الحاطهة باله يجيك.. 
          يريد حنطه وهوة باثرها شعير. 
          بليل يطلعلي الشمس وانه اعتنيك
          الماي روبه عود البالك يصير.. 
          ليش تحرك دمك وتفرك ايديك.. 
          شهل تكبر عل كيفك يل حرير.. 
          الماي يصعد للسما وتالي يطيح.. 
          الصوج بيه واعترف اي قصرت
          حلفوني بعيني وماكلت الصحيح.. 
          وحلفوني بعينك وماجذبت.. 
          
          
          
          
          ٦:٤٥""

تانيتكم.. 
          
          شمعه اشتعل والريح عالي وجيتكم
          تانيتكم... شجره وكتلهة العطش وين بيتكم؟ 
          عل الباب اتاني شكثر عل الباب 
          عودو عليه عودو يلغياب
          احتاجيتكم كد الهواء والماي احتاجيتكم 
          تانيتكم.. 
          عنكم سالت الماي واوراق الشجر 
          عنكم سالت الريح ونسمات حبات المطر
          انتم اعيوني صدكو انتم اعيوني
          ومن البواجي راحن اعيوني
          مابيه حيل اتحمل الصار 
          انتم حمامه مفتركه الدار
          خليتكم وسط الجفن والعين
          انه خليتكم.. 
          تانيتكم.. 
          يمته تجون عيوني تعبهة السهر
          اليل والشوارع والنوارس غافيه
          باحضان النهر. 
          يمته تجوني؟؟ 
          ومن البواجي راحن اعيوني
          ماضل صبر لشوكت يحباب
          بيه جرح لليوم ماطاب
          تمنيتكم وحشه اليالي وبيهة انه
          تانيتكم... 
          
          
          
          ١١:١٢"""