ربًمًآ حًرهّ🕊

لكيت برنامج روايات اجنبيه والمهم مابيهن تصفيط وذاك ضربني وذاك مدري شوالي

مثل نار بكطن مابينت مهموم بارد بالوجه وانه احترك سكتة... 
          . 
          . 
          . 
          . 
          . 
          . 
          . #@$

خسرتك ونتهت مرتين ماعيد
          انطيتك فوك حجمك بالغت بيك
          فعل ماضي وبقت ذكره المواعيد
          الشعر موباب رزقي لخاطرك جان
          ذهب جوة ايدي اصوغه شلون ماريد 
          جازفت بسمعتي بعشرتي وياك
          هملت اسمي ودست فوك التقاليد
          مونفس العمر بس جنت اداريك
          ماحسستك بفرق المواليد
          غير الياهلا شمسوي وياك
          بمحنه وصوت دافي تجويد
          واخذهن مني الك ماريدهن روح
          اعتذاراتك ورة السويته متفيد
          حسبالك كبل وافتحلك الباب 
          ماتنهي الزعل تكبيرة العيد
          
          
          حره #@

هواي كلش هواي ترجيتك للموت تضل وياي وماتغيب عني... 
          بس للاسف والله عليك انته الزدت الجروح اوجاع حيل
          اوجعتني.. 
          كتلك وتوسلت بيك ابقه وياي وشوفني شلون اهتملك
          وباسمك راح اغني.. 
          عفتني ورحت وهم بلا وداع وهسة تريد ترجع بالله شلون وقنعني.. 
          ضحيت الك بهلي  وناسي وحاربتهم لجل عينك وهسه
          انته هيج تاركني.. 
          ماكتلك انطيني ماي العيون بس ردتك تضل وياي والله 
          فراكك هواي تعبني.. 
          اسهر اليل كله علمودك وكلت هلبت يرد هسة يتصل
          وعني وعن حالي يسالني.. 
          وارجع بخيبه كلش جبيره عرفتك مواليه وانته تريدني انساك تجبرني... 
          جنت من احجي وياك اضحك للهوا الهاب بس منو الزاك اليه وكالك اكسرني.. 
          بجيت بحضن الوساد وتمنيت من ابجي تفتح اذراعك
          وتركض اليه تحضني.... 
          
          
          
          ١١:١٠^° ##

بعد ماشوف طيفك من يجي اليل
          ولا ابقه اندعيلك وكت الغروب
          ولا صوتك اسمعه لمن اشتاك
          تبت منك ولاكن كلبي مايتوب
          التناقض واصل بيه شعره بلراس
          اريدك ما اريدك ضال متعوب
          اكلك لاتجيني ومن يجي اليل
          اجيك وبيدي كلبي يخفك يلوب
          اكلك كمت اكرهك وانه جذاب
          واسد بابي واحنلك وافتح البوب
          اكلك راح اعوفك وامشي وياك
          واكض جفك لحد ما اصبعك يذوب
          التناقض خله بكلبي عطاب
          توج بيه شراره من اللبس الثوب 
          اكول اخصمهة لاكن من امر بيك
          دواي تصير اريدك وانه مصيوب.. 
          
          
          
          ٦:٤٤°^

ولا طش الكاع يلمايك شحيح.. 
          اسال مجرب اذا ماجربت.. 
          مدري ياهو الحاطهة باله يجيك.. 
          يريد حنطه وهوة باثرها شعير. 
          بليل يطلعلي الشمس وانه اعتنيك
          الماي روبه عود البالك يصير.. 
          ليش تحرك دمك وتفرك ايديك.. 
          شهل تكبر عل كيفك يل حرير.. 
          الماي يصعد للسما وتالي يطيح.. 
          الصوج بيه واعترف اي قصرت
          حلفوني بعيني وماكلت الصحيح.. 
          وحلفوني بعينك وماجذبت.. 
          
          
          
          
          ٦:٤٥""

تانيتكم.. 
          
          شمعه اشتعل والريح عالي وجيتكم
          تانيتكم... شجره وكتلهة العطش وين بيتكم؟ 
          عل الباب اتاني شكثر عل الباب 
          عودو عليه عودو يلغياب
          احتاجيتكم كد الهواء والماي احتاجيتكم 
          تانيتكم.. 
          عنكم سالت الماي واوراق الشجر 
          عنكم سالت الريح ونسمات حبات المطر
          انتم اعيوني صدكو انتم اعيوني
          ومن البواجي راحن اعيوني
          مابيه حيل اتحمل الصار 
          انتم حمامه مفتركه الدار
          خليتكم وسط الجفن والعين
          انه خليتكم.. 
          تانيتكم.. 
          يمته تجون عيوني تعبهة السهر
          اليل والشوارع والنوارس غافيه
          باحضان النهر. 
          يمته تجوني؟؟ 
          ومن البواجي راحن اعيوني
          ماضل صبر لشوكت يحباب
          بيه جرح لليوم ماطاب
          تمنيتكم وحشه اليالي وبيهة انه
          تانيتكم... 
          
          
          
          ١١:١٢"""

وضل كلبي بامل ترجع ولاكيك
          وكلت خله بامل مااحجي خله
          محضرتلك لحن ماسمعه العود
          مثل الريح تعزف عل الكذله
          وطلع كل الرسمته اوهام بوهام
          ارسم عل الضلام بقلم كحله
          ترس راسي الثلج واتأمل اتعود
          وبعد ماضل وقت ونطيك مهله
          بدله عرسي امس خلصت تفصال
          من شيب الزلف فصلت البدله
          وبعد ذاك انتضاري وحب السنين
          ما اريدك تجي لالحلامي فارس
          وصلنا الموت عاد احضر التششيع
          ترة بدونك يضل يكسر الواهس
          واضن حقي السفينه تموت بلماي
          وهم تمشي بجنازتهة النوارس
          تره بدونك يضل يكسر الواهس 
          
          
          
          
          ٧:٤٠"^°#

واكدر بلضوء بي ما ارهم وياك
          وعلى كد الشمس ملكاك فصلته
          وافك انشاب صدري لكل سهم بي روح
          واكفر بلحنين الما اجه بوكته
          الترس راسي بغيابك ريحه البارود
          ساتر والرصاص يخيط بكصته
          طفه وجهي بخيالك لو بعد موجود 
          من نجمه اعلى نجمه اليل ورثته 
          المطر يوكع مغمض والتراب يشوف
          ما بلللت وجهي وسافرت سكته 
          مو ماشفت وجهك ماشفت مكفك
          شأمد ايدي وكفاك بعيني مالحته
          ينسمه وسافرت يم ناس مخنوكين
          الهوا ضيك عليهم وانته كبرته
          تعال اشلع الطين البي عرك ملكاك 
          بيا صحرا حنينك مشه قافلته
          جبروك وطفيت واهسك وياي 
          كفرت بكلشي بعدك والعشك صمته
          عل برد العطش وتبده وجهك ماي
          عل كل حال كلبك روحي عاذرته 
          
          
          ١١:٠٠"°^   #@

تلاكينه عرف! 
          بس الصدك غربه.. 
          درب واحد لاكن كلمن وكلبه.. 
          فز كلبي طفل حلمان. فز مرعوب
          فز ويلكه ابوه جنازته مغربه.. 
          ردت نضره منه تسكت لليحجون
          الكالو اجه ذاك البطل يرغبه.. 
          صعب كلش صعب من تبتعد مجبور
          عن واحد وكلش يريدلك كربه... 
          احس بس الفاكدله عزاز حكه يشتاك... 
          متعافي اليحن لبلاده بلغربه.. 
          وشفتك تقترب.. 
          والشوك يدنالي... 
          فتت يمي.. وصحتلك ها؟ يجتالي... 
          حرت مابين اعوفك
          بين اسلم عليك... 
          جنت خايف عيونك خايف تقرالي.. 
          بس انته رحت مثل الشته من يطيح. 
          احس خررف ربيعك من تراوالي.. 
          لزمت اصفاحي لزمه خايف القرأن.. 
          من شفتك تسلم عل الاجو تالي... 
          كلش انلجم بس ماندلهن وين.. 
          هذن اليسموهن وجع غالي... 
          ابشرك... 
          الدمع مايرحم بحالي.. 
          مثل مجره النهر يركض عل الخالي.. 
          ومثل الشمعدان.. انجوي بحجي الناس.. 
          احضن دمع غيري وغيري ال يلالي.. 
          ومثل اثار جويه طفل فوك لايد.. 
          علكت ذكرياتك طابعه بالي.. 
          
          
          ١١:٥٠^° #@