_𝑨𝑼ᯓ★

أيام مُحرم :
          
          ١محرم - إستقبال شَهر مُحَرم. 
          ٢محرم - وصول الحُسَين لِكربلاء
          ٣محرم - مُخَصص لِفاطمة العَليله بنت الحُسَين (ع)
          ٤محرم - مُخَصص لِذَكر السيدة ام البنين (س)
          ٥محرم - مُخَصص لِذَكر مسلم ابن عقيل
          ٦محرم - مُخَصص لِذَكر أنصار الحسين
          ٧ محرم - مُخَصص لِذَكر الإمام العباس (ع)
          ٨محرم - مُخَصص لِذَكر القاسم ابن الحسن (ع)
          ٩محرم - مُخَصص لِذَكر علي الأكبر (ع)
          ١٠محرم - مُخَصص لِذَكر عبد الله الرضيع (ع) والإمام الحُسَين (ع). 
          
          هَذا الأيام مُخَصصه أحَياء ذَكر مو أيام أستشهادهم ، مُسلم أستشهد يَوم ٩ ذو الحجة قَبل شَهر مُحَرم بَس احنه نُحي ذِكَرة بِمُحَرم .
          أم البَنين وَفَاطِمة العَليلة مَاأجن الكَربلاء ومَا أستشهدن بيها بَس الهن يَوم نَحيي ذَكرهن .
          
          الإمام العباس والحُسَين والقَاسم والأكبر وَعبد الله الرَضيع وأنصارِ الحُسَين أستشهدو يَوم ١٠محرم كلهم .. 
          وَباقي الأيام فَقط أحَياء ذِكَراهم تَقَدير الهم .
           #اللهم_صل_على_محمد_وال_محمد​​​​​​​​​​​​​​​​  #استغفر_الله_العظيم
          
          * اسألكُم برأء الذمة والدعاء *
          
          " منقول "

"من خصائِص أبا الفَضل -سلامُ اللّهِ عليه- أنّهُ لا يُخيِّب مَنْ توسّل بهِ؛ لأنَّ العبّاس كانَ يُريد أنْ يَقضي حاجة سكينة لكنّهُ استشهد قبلَ أنْ يسقيها الماء فظلَّتْ حرقةٌ بقلب أبي الفضل؛ حرقة تستَعر نيراناً. فاللّه أعطاهُ هذهِ الكرامة! كُلّ من لهُ حاجة أبو الفضل لا يُفشله!"
          
          -آيةُ ﷲ الشَّيخ الوحيد الخُراساني -دام ظلّهُ الشَّريغ

1448/1/1...

عند ارتداء السواد حزنا على مصاب الحسين لا تنسون النية... 

صباحيـة واحــــــــد مُحࢪم.... 
          
          عظم الله اجورنا واجوركم بقدوم هذا الشهر الفضيل

روى القطب الراوندي عن أمير المؤمنين (صلوات الله وسلامه عليه) قال: قال رسول الله صلى لله عليه وآله: من أصبح ولايذكر أربعة أخاف عليه زوال النعمة: 
          
          الحَمْدُ لله الَّذِي عَرَّفَني نَفْسَهُ وَلَمْ يَتْرُكْني عَمْيانَ القَلْبِ، الحَمْدُ لله الَّذِي جَعَلَني مِنْ أمَّةِ مُحَمَّدٍ صَلّى الله عَلَيْهِ وَآلِهِ، الحَمْدُ لله الَّذِي جَعَلَ رِزْقي في يَدَيْهِ وَلَمْ يَجْعَلَ رِزْقي في أيْدي النّاسِ، الحَمْدُ لله الَّذِي سَتَرَ عُيوبي وَلَمْ يَفْضَحْني بَيْنَ الخَلائِقِ.

روي عن الإمام الكاظم عليه السلام:
          لا تَأخُذُوا مِن تُربَتِي شيئاً لِتَتَبَرَّكوا بهِ، فإنّ كلَّ تُربَةٍ لَنا مُحرَّمَةٌ إلّا تُربةَ جَدِّيَ الحسينِ بنِ عليٍّ عليهما السلام، فإنّ اللَّهَ تعالى جَعَلَها شفاءً لِشيعتنا وأوليائنا.
          
          ميزان الحكمة.
          
          

صلاة الصبح~
          زيارة عاشوراء~
          زيارة آل ياسين~
          دعاء العهد~
          قراءة صفحة او اكثر من القرآن~
          
          ||جدولـة كل صباح||

حبايبي باجر (الثلاثاء) هو اخر يوم بالسنة الهجرية... 
          اتمنى منكُم تراجعون نفسكم، تشوفون شنو الاخطاء الي تريدون تصححوها وشنو الاشياء الحلوة الي تريدون تطوروها. 
          
          خلوا بداية السنة الهجرية الجديدة، بداية جديدة الڪُم ايضا! 
          لتضيعون هالفرصة، خاصة وإن اول اشهر السنة الهجرية هو شهر مُحرم الحرام، ويمكُم بعد الحساب...
          هسة بهاليوم لزموا ورقة وقلم ودونوا وكتبوا. اهدافكم، طموحاتكم، عادات تتخلصون منها، الخ... 
          
          شهر محرم هو شهر الحسين، لاتضيعون هالـ30 يوم... حاولوا تنطون هدية لصاحب الزمان(عجل الله تعالى فرجه) او للأمام الحسين. شلون؟ سهلة.. اترك ذنب جان بالنسبة الك مستحيل تتركه... صدڪني ماكو شي مستحيل من توصل السالفة بالدين! 
          اني هم ان شاء الله رح احاول اترك عادة سيئة وذنب ثقيل على قلبي، جان كلش صعب اتركه بس هسة رح احاول، وانتوا هم حاولوا... كلما تريدون تسوون هالذنب تذكروا شلون انقتل الامام الحسين بس علمود يحافظ على الدين، علينا احنا المسلمين! تخيلوا بس شنو ردة فعله من يشوفنا نسوي هالاشياء... مرح يحزن؟ او صاحب الزمان... تدرون ليش للآن ماظهر؟ بسبب كثرة ذنوبنا... 
          فرحوا قلب الامام الحسين وصاحب الزمان ولو بشيء بسيط.. مثل ترك ذنب او عادة سيئة. بالاضافة الى انه تكدرون تلتزمون بشيء معين، مثل صلاة الليل، زيارة عاشوراء، دعاء العهد، زيارة آل ياسين، قراءة القرآن وغيرها هواي ادعية وشغلات حلوة ومفيدة تكدرون تلتزمون بيها. 
          حطوا عهد وية نفسڪُم، من بداية 1 مُحرم الى الاربعينية.. كل يوم، استمروا بيهم، اذا مو كلهم على الاقل وحدة او اثنين منهم. وبعدها مرح تكدرون تتركوهم ابد. 
          
          اخواني، عودوا الى الله... 
          بحفظ الرحمٰن✨
          

السلام عليكم ورحمة الله  . 
          يا شباب، يا بنات، هالأيام مو مثل باقي الأيام، إحنا مقبلين على شهر عظيم، شهر محرّم، شهر الإمام الحسين (عليه السلام)، شهر التضحية والوفاء والإصلاح  . 
          قبل لا يهلّ علينا محرّم، خلّوا گلوبكم تتهيّأ إله مثل ما تتهيّأ بيوتكم ومجالسكم مو المهم بس نلبس السواد، المهم قلوبنا تلبس الحزن الحقيقي على مصاب أهل البيت (عليهم السلام)، ونعاهد نفسنا نكون أقرب لله سبحانه وتعالى  . 
          يا أختي العزيزة، خلي محرّم فرصة حتى تراجعين نفسج، تحافظين أكثر على حجابج وعفّتج وأخلاقج، وتكونين زينبية بالقول والفعل السيدة زينب (عليها السلام) مو بس شخصية نذكرها بالمجالس، هي مدرسة كاملة بالصبر والعفة والقوة والثبات خلي هالشهر بداية جديدة إلكِ، بداية قرب من الله ومن أهل البيت (عليهم السلام).
          
          ويا أخي العزيز، الإمام الحسين (عليه السلام) ما خرج حتى نبچي عليه فقط، خرج حتى يعلّمنا شلون نكون أصحاب مبدأ ودين وكرامة خلي محرّم يغيّر بيك شي، اترك ذنب، حافظ على صلاتك، برّ بوالديك، ساعد الناس، وكن حسينياً بأخلاقك قبل كلامك  . 
          
          لا تجعلون محرّم مجرد أيام تمرّ وتنتهي، خلي أثره يبقى بگلوبكم طول السنة أكثروا من قراءة القرآن، والصلاة على محمد وآل محمد، والدعاء لصاحب الزمان (عجل الله فرجه الشريف)، وحضور المجالس الحسينية، وابتعدوا عن كل شيء ما يرضي الله وأهل البيت  . 
          
          تذكّروا أن الإمام الحسين (عليه السلام) ضحّى بكل شيء حتى يبقى الدين حيّاً، فشنو راح نقدّم إحنا؟ يمكن ترك معصية، أو المحافظة على صلاة، أو إصلاح خلق، أو مساعدة محتاج، لكنها عند الله عظيمة إذا كانت خالصة له .
          استقبلوا محرّم بقلوبٍ خاشعة، ونفوسٍ تائبة، وعيونٍ دامعة، وعاهدوا أنفسكم أن يكون هذا المحرّم أفضل محرّم مرّ عليكم من ناحية العبادة والقرب من الله  . 
          نسأل الله أن يجعلنا وإياكم من خُدّام الإمام الحسين (عليه السلام)، ومن السائرين على نهجه، وأن يرزقنا في الدنيا زيارته، وفي الآخرة شفاعته  . 
          السلام على الحسين، وعلى علي بن الحسين، وعلى أولاد الحسين، وعلى أصحاب الحسين 
          
          خادمتكم وأختكم الصغيرة نقاء الزهراء  .(منقول)