مَ 🍒

- انتِ فين ؟
          = أنا داخلة على حالة اكتئاب وانتِ ؟
          - أنا جوه لما توصلي كلميني .

طيب انتو بتعملو اي في حالات فقدان الشغف في كل هواياتكم

هو احنا ليه بنبدأ حياتنا بمعصية؟!
          
          يعني بنجهز للفرح بالشهور، ونصرف آلاف، ونجيب دي جي، ونغني ونرقص، ونقلبها حفلة كلها أغاني، والكل سامع... طب فين ربنا في كل ده؟
          
          طب ليه نبدأ أول خطوة في جوازنا بمعصية؟ الأغاني حرام، ومعصية مش بسيطة، خصوصًا لما تبقى قدام الناس كلها، وكل الحضور بيشاركونا الذنب من غير ما يقصدوا!
          
          وليه العروسة تقلع الطرحة قدام الكل؟! هو يوم الفرح مش المفروض يكون يوم ستر وبركة؟ ليه نفرّط في أغلى نعمة؟!
          
          فرحك مش لازم يبقى مليان معاصي عشان يبقى حلو... والله ممكن تفرحوا وتنبسطوا بالحلال، وتبدأوا حياتكم بطاعة، وتبقى بداية كلها خير ورضا.
          
          ابدأوا حياتكم صح... ربنا بيبارك في كل خطوة فيها طاعة مش معصية.

الاستغفار :
          - يهزم الذنب : ﴿ إِنَّهُۥ كَانَ غَفَّارٗا ﴾
          
          الاستغفار :
          - يهزم القحط : ﴿ يُرۡسِلِ ٱلسَّمَآءَ عَلَيۡكُم مِّدۡرَارٗا ﴾
          
          الاستغفار :
          - يهزم الفقر والعقم : ﴿ وَيُمۡدِدۡكُم بِأَمۡوَٰلٖ وَبَنِينَ ﴾
          
          الاستغفار : 
          -  يهزم الضعف : ﴿ وَيَزِدۡكُمۡ قُوَّةً إِلَىٰ قُوَّتِكُمۡ ﴾
          
          الاستغفار هو النجاة : 
          { وَمَا كَانَ اللهُ لِيُعَذِّبَهُمْ وَأَنتَ فِيهِمْ ۚ وَمَا كَانَ اللهُ مُعَذِّبَهُمْ وَهُمْ يَسْتَغْفِرُونَ }
          ﴿ وَٱسۡتَغۡفِرُواْ رَبَّكُمۡ ثُمَّ تُوبُوٓاْ إِلَيۡهِۚ إِنَّ رَبِّي رَحِيمٞ وَدُودٞ)
          
          استغفرواツ
          أستغفر الله العظيم الذي لا إله إلا هو الحي القيوم وأتوب إليه

انا شايفة ان حياتي صعبة بم يكفي انها تخليني أنهار
          اوقات بحس انها أصعب حياة ممكن حد يعيشها 
          ودا الكلام اللي ببرر بيه انهياراتي في كل مرة
          وبردو هو الكلام اللي بيشجعني أكافئ نفسي على صبري وتحملي
          
          كلنا شايفين ان حياتنا صعبة ومفيش أصعب منها
          بس لما بنبدأ نبص لمشاكل اللي حوالينا بنحس اننا: اي دا اي الضعف اللي انا فيه دا شوف دا عنده مشاكل قد اي ولسة صابر وانا اللي بنهار من مشكلة صغيرة
          غلط اللي بنعمله دا غلط
          مشكلتك سواء صغيرة او كبيرة ف هي على قد قدرة تحملك ربنا قال في كتابه : {لَا يُكَلِّفُ اللَّهُ نَفْسًا إِلَّا وُسْعَهَا} [البقرة:286] أَيْ: لَا يُكَلِّفُ أَحَدًا فَوْقَ طَاقَتِهِ، وَهَذَا مِنْ لُطْفِهِ تَعَالَى بِخَلْقِهِ، وَرَأْفَتِهِ بِهِمْ، وَإِحْسَانِهِ إِلَيْهِمْ
          الناس اللي حياتهم مليانه مصايب صعبة وتحديات انت شايف انها لا يمكن حد يتخطاها هما هيتخطوها علشان دي قدرتهم، ربنا _عز وجل_عارف كويس إي قدرة تحملهم وبيختبر صبرهم فخليك انت فمشكلتك وبطل تقارنها مع الناس بشكل سلبي، بدل كدا افضل احمد ربنا ان هي دي مشكلتك واصبر واحتسب الاجر، وعيط وانهار بردو لما تجيب اخرك بس هتقف تاني على رجليك بعد ما تعيط، ماحنا مش هنفضل نندب حظنا كدا كتير.

يعني حضرتك مدخن وحابب تدمر صحتك 
          دمر صحتك لوحدك مش صحتي معاك
          يعني لي تدخن جوا مواصلات عامة
          او جوا محل مقفول
          حضرتك حمار انت؟ 
          حضرتك انا خلاص شربت السجارة معاك من كتر ما الدخان ملا المكان
          نراعي الناس اللي عندهم ضيق تنفس او ربو أو مشاكل في الرئة ممكن السجارة اللي مستهين بيها دي تجيبلهم نوبة تخلص عليهم..
          دا يعني بعيدا عن انك مش مراعي صحتك وجسمك اللي عمال تموت فيه بالبطيئ وانها لا تجوز تشربها طالما مؤذية
          عالم عقلها خربان

- أنت شكلك انطوائية جداً.
          =لا دا معاكو بس عشان مبحبكوش.

نحن الذين يُنْدَم علينا، ولسنا بِنادِمين.

جرب تبعد عن الفون يوم
          أو نص يوم مثلا، بحيث تقلل ال screen time بتاع كل يوم اللي بتقعده ومبتعملش حاجة مفيدة
          هتلاقي نفسك بتفتكس حاجات كتيرة تعملها

:To parents
          احضنو أولادكم وبناتكم
          كل شوية عبرولهم عن حبكم بالكلام
          هاتولهم هدايا حتى لو وردة بسيطة
          ضموهم 
          ضموهم
          ضموهم 
          هما محتاجين الحضن اللي انتو شايفينه ملهوش لازمة دا
          أقولك كمان، محتاجين ١١ حضن ف اليوم
          قبّلوهم، ضموهم، عبرو ليهم عن حبكم
          
          متسمحوش لحد غريب يجي هو ييوفرلهم الحب والأمان والاهتمام اللي معرفتوش توفرهولهم، 
          اهتموا بيهم
          اهتموا بسخافاتهم واسمعوها 
          ناقشوهم
          خلوهم يحكولكم عن يومهم
          عيشوا معاهم شوية
          
          صدقوني هيجي واحد من برة يدي بنتك الاهتمام اللي انت معطتهولهاش، ووقتها انت كل اللي هتعمله انك هتلومها هي بس.. وتنسى أنك كنت السبب الاساسي
          
          اظهرولهم حبكم دا بكلمات لطيفة مش هتنقص منكم حاجة بس هتزيد حبكم فب قلوبهم