INTGH1
صفحة جديدة.. لله وفي الله
"السلام عليكم جميعاً..
حابّه نحكي معاكم من القلب في موضوع خذيت فيه قرار نهائي والحمد لله.
زي ما شفتوا، أنا حذفت كل الروايات اللي كنت كاتبهم بخصوص (المحتوى المعين)، والسبب بسيط ومهم: الخوف من ربي وطلب رضاه.
راجعت نفسي ولقيت إننا أحياناً نستهينوا بالكلمة اللي نكتبوها أو نقروها، بس الكلمة عند ربي ميزانها كبير. ربي يقول في كتابه الكريم: ((مَّا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ)).
تخايلت لو إن هذي الروايات قعدت تتداول بين الناس حتى بعد ما نموت، حتقعد "سيئة جارية" تلاحقني في قبري، وتخايلت الوقفة قدام ربي وهو يسألني عن تشويه سمعة ناس أو كتابة محتوى يخدش الحياء ويخالف الفطرة. ربي يقول: ((وَنَكْتُبُ مَا قَدَّمُوا وَآثَارَهُمْ)).. وكل حرف كتبته هو أثر حنتحاسب عليه.
الذنب مش بس في الكتابة، حتى في القراءة والنشر والمتابعة، لأننا هكي نساهموا في نشر حاجة محرمة. والرسول صلى الله عليه وسلم قال: "مَنْ دَعَا إِلَى ضَلَالَةٍ، كَانَ عَلَيْهِ مِنَ الْإِثْمِ مِثْلُ آثَامِ مَنْ تَبِعَهُ".
أنا تبت لربي ونطلب منكم تسامحوني لو كنت سبب في انكم تقروا حاجة تغضبه، وننصحكم من كل قلبي: فوتوا هذي الطريق. والله العظيم ما في أجمل من شعور إنك ترقد وأنت عارف إنك ما غضبتش ربك وما شوهتش سمعة حد.
من ترك شيئاً لله عوضه الله خيراً منه، وأنا عوضي هو راحة البال اللي حاس بيها توه. ربي يهدينا جميعاً ويثبتنا على الحق."
