IWait4
أكو قضية تريدها تصير
تبذل كل جهدك حتى تكملها أو تحصل عليها و شگد ممكن تلح لاكمالها و تتفاعل وي كل تفاصيلها تفرح اذا صار اكو تقدم و تحزن كلش إذا صار خلل بيها و يأخذك التفكير شرقا و غربا و ترسم ببالك رؤية لتحققها و هذا بالإضافة إلى الدعاء و الرجاء و الطلب من الله ان تتم ، بس مرات تشوف الامر ما تم مثل ما ردت و قد يكون عكسه تماما و هنا يأتي دور الحزن و الخيبة وووووووو
بس بعد فترة ممكن و رغم كل هذا الفوك راح تكتشف عظيم تدبير الله تعالى في هذا الأمر و ليش صارت عراقيل و تلگه كل الشغلات الي كنت تتصورها بأنها عراقيل و خيبات أمل هي بالحقيقة نعم كلش كبيرة ، كبيرة بگد رحمة الله ، فراح تحمد ربك هنا و تقول " الحمد لله " الذي دبر هذا الشيء بهيچ كيفية بس هنا ال " الحمد لله " راح تكولها و كلك خجل من رب العالمين يعني هذه الحمد لله المصحوبة بالخجل هي بمثابة أستغفر لأننا تعودنا نمشي حياتنا و ما نضع للتدبير الإلهي حساب ضمن تفكيرنا ....
