ابن الذهبيه

تسوين القصيدة وكل بنات الكون وتسوين الغزل لو يمج تربع وتسوين العشيره شما تمرهه أجيال من شيب وشباب وبالمهد يرضع محتار بجمالچ مدري وصفه شلون الماس وذهب باللؤلؤ مرصع انتي أول حضاره من أول التكوين وانتي أول عيون بلا دمع تدمع بشفافج عزف يربك أوتار العود والعود بكلامج بس يحب يسمع وانتي أول رمش يسحر سواد الليل ما شايف رمش عالرمشه يدلع طماع بمحبتج حد نخاع الروحما اقبل نقاش وحقي من اطمع موسوعة سعادة عيونج الحلوات وقاموس العشك مجبور إلج يخضع احبج حيل احبج بس أظل مديون ولو اصرخ عمر هم كلبي ما يشبع

طشيتهن
          
          وتلممن
          
          و اطشرن
          
          يوم الردتهن ما لفن
          
          يوم العفتهن چودرن ،،
          
          يمي وعليه .. ترا شدن !
          
          شنهو السبب ؟؟
          
          بس ما حچن اجروحي حيل استهترن ،،، رگصن رگص .. مثل الغجر هزن خصر ما يستحن هاي دنيه تريد واهس
          
          واني مالي كل خلك الهن

الحب مو كلام ويعجب اليقره
          
          أ
          
          ولا شاعر يكول ويبدع بشعره الحب من تحب محبوبك شما جان مو حسبة قميص بكيفك تكصره والحب من أحبك يعني كلشي البيك حلو عندي وأقبله بحلوته ومره الحب يعني اريدك ما اكولن لا ولا اعاند كليبك ابد بالمره
          
          والحب من اسمعك افهم الكلمات واعرف غايتك من اول النظره
          
          والحب يعني اعشكك وابقى اذوبن بيك
          
          وأتحسر عليك واكتم الحسره
          
          والحب يعني أبقى احتاجلك للموت مو حسبة سنه وسنتين لو عشره
          
          والحب يعني دين وشرع بي دستور
          
          والماحفظ دينه الوادم تكفره