ِ

هواي بنات إنتهت رحلتهن وية الواتباد وودعنة ، بسبب كم شخص گام يشهر بالواتباد وين مچان خلوا نص العراق ياخذ نضرة ع الواتباد ع إنو مو خوش برنامج ، وحدة تقرالها قصة تروح للإنستا تشوفلها ضابط تگلة إنتَ بطل واتباد ؟بس أريد أعرف شحصلتي من كبرتي روسهم وسألتيهم هيچ ؟  گامن ياخذن القصص وينشرنها ع الفيس وع التيك توك والإنستا ،آني ماعندي ولا واحد من ذني البرامج بس الأخبار طشت ، وصلت بيهن حتى ع اليوتيوب ينشرن، شنو معنى كل هذا ؟ شكو النشر بغير مواقع ؟ هوَ هذا البرنامج خاص للقصص شكو تنشريها بغير موقع إنتِ ؟  إحنى نقرا بهذا البرنامج حتى نتخلص من مرارة حياتنا وننسى شوية ونضحك ونكسب معلومات ، كومة بنات ماعدهن شخص يرشدهن و تعلمن من الواتباد معلومات حلوة ومفيدة ودينية ليش تردون تحرمونة حتى من هذا البرنامج ؟
          	ياريت كل بنية تقرا هذا الكلام تبطل تشهر بالواتباد ومو بس تشوفلها ضابط حستة بطل وترسم قصة بعقلها ، عبالچن كل ضابط بطل ترا أكو هواي أنذال وأشباه رجال لتغرچن الشوارب والزي ،  حتى آني ما أبقى هنا بعد اسبوع بالزايد وحاذفة الواتباد ، تجيك سمعة مو زينة وانتَ لا يمها ولا عليها ليش ؟ وشتحصلون من هيچ تسوون ؟ ما أعرف والله .