زيد

رغم ان عارف ان اغلبكوا مش مهتم وانا شخصياً مش مهتم انكوا تهتموا بس حدي كم معلومة صغيرة كدا بما ان حالياً فاضي حاجة كدا تفيد البشرية مع العلم ان ممكن تكونوا عارفين اغلبها 
          	
          	
          	
          	1. المشي 30 دقيقة كل يوم يقلل خطر الأمراض القلبية بنسبة 40%.
          	حتى لو مش بتحبوا الرياضة، المشي بيحسن الدورة الدموية وصحة القلب بشكل كبير. يعني تقدر تحرك جسمك شوية وتبطلوا الكسل اللي أنتوا فيه ده، أنا مقدر إن السرير واقف معاكم في محنتكم ومش عاوزين تخنوه، بس عادي يعني اتمشوا شوية.
          	
          	
          	2. البكتيريا المفيدة في المعدة ليها دور كبير في تقوية المناعة.
          	الأكل اللي فيه ألياف زي الفواكه والخضار بيساعد على نمو البكتيريا المفيدة دي. وكمان في حاجة صغيرة عاوز أضيفها للناس النضيفة أوي: بلاش تغسلوا إيدكوا أكتر من مرتين في اليوم. ليه؟ علشان الصابون، يا حبايبي، بيقتل البكتيريا المفيدة والمضرة معًا، فبلاش نظافة زايدة دي.
          	
          	
          	3. التعرض لضوء الشمس الصبح بيساعد في ضبط مستوى هرمون "الميلاتونين"، وده بيحسن النوم.
          	لو بتعانوا من صعوبة في النوم، جربوا تتعرضوا لأشعة الشمس أول ما تصحوا من النوم، ده هيساعد جسمكوا ينظم وقت النوم. وده طبعًا لو زي ما قولنا في الأول، اتمشيتوا من أول ما صحيتوا، كده هتكونوا حركتوا جسمكوا ومنعتم احتمالية "موت القلب" دي.
          	
          	
          	4. شرب كوب مياه باردة أول ما تصحى بيساعد على تنشيط الجسم ويخليك أكتر يقظة.
          	بعد النوم الجسم بيكون محتاج لترطيب، والمياه بتساعد على زيادة الطاقة.
          	
          	
          	5. ضحكتك مش بس بتخليك فرحان، بتقلل هرمونات التوتر وبتزود الإندورفين، الهرمون المسؤول عن السعادة.
          	لو يومك كان صعب، ضحكة بسيطة ممكن تحسن مزاجك بشكل كبير. يعني اضحكوا وكفاية نكد بقا.
          	
          	
          	6. الأكل ببطء بيساعد في هضم الأكل بشكل أفضل.
          	الدراسات بتقول إن الأكل بسرعة ممكن يسبب زيادة الوزن، لأن جسمك مش بيقدر يهضم الأكل كويس قبل ما تحس بالشبع. أنا مقدر إن الأكل حلو وكل حاجة، بس شوية شوية، مش حيطير والله.
          	
          	
          	
          	حاجات بسيطة جدًا لكن بتساعد وطبعاً مش حقول معلش تطويل دي منصتي الي مش عاجبوه في داهية يا حبايبي