J1S00--K1M37

من دوای تۆ بۆم دەرکەوت کەوا هیچ شتێک وەک خۆی لێنایەتەوە...هیچ...شتێک
          
          نە تۆیەکی مردوو زیندوو دەبیتەوە 
          نە منێکی شکاو و کوژاوە دووبارە دائەگیرسێمەوە
          نە زەمەنێک خەونم بۆ هەموو شتێک هەبوو
          نە خۆمێک کە دڵم بە زۆر شت خۆش بوو
          یەکێک بینینی تۆ بوو چ لە نزیک چ لە دوور 
          نە ڕوخسارم گەشی جاران وەردەگرێتەوە 
          نە قژە شەپۆلیە پڕەکەی جارانیشم بەشانەکەنما بێنە خوارەوە
          
          ئێستا تەنانەت نازانم ڕەنگ و ڕووم چۆنە، بەڵام بە قسەی خەڵک بێ ئێستا دەساڵ لە تەمەنی خۆم زیاترم 
          
          خۆ من ئەمزانی زۆر ئەزیزی بۆم، خۆ ئەمزانی گرینگی بۆم خۆ من...ئەمزانی کە کەسێکی نە دەتوانم لەبیرت کەم نەدەتوانم بیرت لێنەکەمەوە، 
          
          بەڵام دوای ڕۆشتنت ڕاستی تۆم بۆخۆم زانی 
          
          زانیم تۆ چی بووی بۆم، ئەو ڕووناکیەی کە لە شاری تاریکی دڵمدا دەدرەوشایتەوە هەموو ئەوەی ئەمبینی لە خۆشی و شادی و ڕەنگی دنیا، هەمووی بەهۆی ڕووناکی تۆوە بوو 
          ئێستاکە ڕووناکی تۆ بۆ هەمیشە کوژایەوە، چاوانی منیش بۆ هەمیشە وەک جاران نادرەوشێنەوە گرینگ نیە بەلامەوە ئیتر دنیا چۆن هەڵەسوڕێ و بۆ کێ خۆشی دێنێ، خۆشی من تۆ بوی کە ون بووی لێم 
          
           خۆ ئەزانم کات تێئەپەڕێ و بۆ کەس ناوەستێ. بەڵام کات بەمن چی؟ من هێشتا وا لەوشوێنە وەستاوم کە بۆ کۆتاجار تۆم تیابینی 
          
          دوای وتنی ئەمانە، دوای وتنی هەزارانی وا لە ناخما هەموو ساتێ،هێشتا هەستەکەم هیچم نەوتوە، هەستەکەم هەموو دەنگم، هەموو هەستەکانم لە قوڕگمدا قەتیس بووە کەی بێتو بۆ جارێتر بتبینم، تەنها چاوە ئۆقیانوس' ئاساکەت ببینم و هەناسەیەکی ئاسوودەی بدەم

تاکە شت لە ئێستادا هیوای بۆ دەخوازم ئەم نازدارە توانیبێتی لە ناو هەموو درزەکانی دڵە جوانەکەیدا هەموو گوڵە دڵخوازەکانی چاو شینەکەی ڕواندبێت بەتەواوی بووبێت بەو کچەی کە بۆ چاو شینەکەی هەبوو هەمووان دڵنیان کە ئەو باشترینی بۆ تۆ ویستووە و دڵخۆش بووە بەوەی کە هەوڵبدەیت و سەرکەوتو بیت بۆیە تکایە هەرگیز مەوەستە لە هەوڵدان هەر نا لە پێناو چاوەکانیدا.
          هەموان زۆریان خۆش دەوێیت نازدارەکەم  (چوار عەرەبانە ماچیش بۆ ئەو کوڵمانەوە) 

بیرتەکەم زۆر

ئەم هەفتەی کە تێم پەڕاند زۆرگەورە بوو بۆم، تا ئێستا شتی وام نەبینی بوو، هەموو ئەو هەوڵ و ماندوو بوون و تێکچونی خەو خواردن و دەروونیەی بۆ ئەم هەفتە کردم لە مانگی دەوە هەمووی بۆ ئەم هەفتەیە بوو، بەڵام نەگەشتمە ئامانجیش...
          
          ئێستاکە، لە ژوورەکەم بۆخۆم بەتەنهام، کۆتا جار ئاوا تەنهابوبێتم مانگێ پێش ئێستا بوو، ئەزانی چاوشینـ"م زۆر گریام
          
          گریام بۆ خۆم
          گریام بۆ تۆ
          گریام بۆ تەنهای
          گریام بۆ هەوڵەکانم کە بە زایە ئەڕۆن 
          گریام بۆ ڕابردوو چونکە تۆی تیابوو
          گریام بۆ ئێستام چونکە تۆی تیانەبوو 
          گریام بۆ ئەوکاتانەی کە دەستت لەسەر نێو چاوم دائەنا سەرباری ئازار و ماندوویم پێدەکەنیم و دەم وت "چیدەکەی ئەوە؟ دەستەکانی خۆت لە نێوچاوی من گەرمترن!"  
          
          گریام بۆ ئەوکاتەی دائەنیشتم بەرامبەرت بە سەرنجدان لە چاوی مەستت دەمویست هەموو قسەی دڵمت بۆ هەڵڕێژم بەڵام زمانم ڵاڵ بوو 
          
          زۆر گریام،ئەو ڕۆژەی هاتم بۆ سەردانت بەڵام نەمتوانی سەردانی گۆڕەکەت بکەم تەنها لە دوورەوە سەیرم کرد چونکە دەورت قەرەباڵغ بوو، چاوەڕێم کرد..سوێند بەخوا چاوەڕێم کرد بەڵام نەڕۆشتن، گوڵەکەم لەسەر گۆڕی مناڵێکی بچوکا بۆ دانای بەشکوو لەوێ لەشوێنی من بیدات بە تـۆ 
          
          ئەمانەو زۆر قسەم هەبوو بۆت، بەس ئێستا ناتوانم بیڵێم بەشکوو دڵت نەرم بێت و جارێکی دیکە سەردانم بکەی لە خەوەکانما!؟ تاکوو ئەوەی زمانی ڵاڵم گرتیەوە بە گریانەوە  دووبارە دانیشم بەرامبەرت بۆتی باس بکەم
          ==========
          
          ببوورن هاوڕێیان!! هەندێ جار ئێرە دەبێتە تاکە تێنوسم بۆنوسینی قسەکانی دڵم، گوێی پێمەدەن گەر بێزارتان دەکاا 
          بیرم دەکردن، هەندێ نامەم بۆ هاتوە واتپادم سریبوویەوە ئێستا هێنامەوە ئەم ماوەیە هیچ مەجالم نەبوو بەڵام ئێستا زۆر بیرم کردن هیوام وایە هەمووتان باش بن
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          
          

بەتەمانیت بگەڕێیتەوە زۆرت بیردەکەین

@jeenierubyJen سووپاسی قسەجوانەکانت ئەکەم سووپاسی خەمخۆری و لێتێگەشتنت دەکەم هەرچەندە ئەم دڵە بریندارەی من ساڕێژبوونی نیە چیتر بەڵام هەموو ئەو قسانەی بۆمی دەکەن هەناسەدانم ئاسانتر دەکات وام لێدەکات ڕۆژێکی تر ژیان کردن هێندە سەخت نەبێ بۆم 

ساڵێک و چەند ڕۆژێک تێپەڕیوە بەسەر بێ تۆیی ساڕێژکەرەکەم...
          
          ساڵێک تێپەڕی بەسەر جەستەی سووتاوی تۆ و ڕۆحی هێشتا گڕگرتوی من..
          
          ساڵێک تێپەڕی بەسەر بێ هەناسەی تـۆو هەناسەی دووکەڵداری من..
          
          
          
          تۆی لێنەبوو هەرچەند چاوەڕێم کرد..هەرچەند چاوم لەڕێی دوکانەکەت بوو..تەنها لە تاریکای شەودا نقوم بووم چاوەڕێم کرد و لێگەڕام هەست بە ئازارەکە بکەم، ویستم ئەوە هەست پێبکەم کە تۆ هەستت پێی دەکرد..تەنها دوو پەنجەی سووتاو بوو وەک تۆ گیانێکی سووتاو نەبوو، بەڵام ئازاری زۆۆۆر بوو..ئەی ئازاری تۆ ڕۆحی ڕەوانم؟ ئەی ئازاری تۆ چەنێک بوو؟ هەژمار دەکرێ؟ پێوانە دەکرێ؟ بە وشە دەتوانم دەری بڕم؟ 
          
          دڵنیام چارەسەری زۆر ئاسان دەبوو لای تۆ، بە دەرزی و دەرمانەکانت نا، 
          
          بە بۆنی خۆشت کە دووکانەکەی گرتبوو 
          بە ڕووی پڕ لە خەندەی نەرمت
          بە چاوی ئۆقیانوسی شینت 
          بە دەنگی قوڵی پڕ لە سۆزت 
          بەو دەنگەی کە ناوی منی دەهێنا وەک بڵێی تاکە ناوی گەردوون بێ، وەک بڵێی شیرینی هەنگوین بێ وەک بڵێی بۆنی خۆشی گوڵی بەهار بێ، وەک بڵێی ئاوی ساردی تینوێتی بیابان بێ، وەک بڵێی ئاوازی خۆشی باڵندەی بەرەبەیان بێ 
          
          خۆ من بەتەنها ڕوانین لە چاوی شینیت ساڕێژ دەبووم 
          خۆ من بەتەنها بەخێرهاتنم بە دەنگی قوڵی نەرمت ساڕێژدەبووم 
          خۆمن بەتەنها بەنهێنی خۆشویستنت ژیام 
          خۆمن بەتەنها بووم ئەوکات..تەنهایەک کە تۆ لەدوورەوە بووی 
          
          ئێستا من هەر تەنهاکەم..بەبێ تۆ 
          ئێستا من چیتر لە چاوەڕوانی کەسدا نیم 
          ئێستا من چیتر لە خۆشەویستی کەسدا نیم 
          
          
          
          من ئەمە بۆتۆ دەنوسم لە شوێنکدا کە هەرگیز بیرم لێینەدەکردەوە شتێکی وای تێدا بنوسم، ئەمە دەنوسم چونکە بەرگەم نەگرت، چونکە بیرت دەکەم وەک شێتێک  بەڵام نازانم چۆن پێتی بڵێم؟ خۆ ئیتر ناتوانم بێم لە دەرگات بدەم..خۆ ئێستاش ناتوانم ئەمە بە بەرگەکانی ئاسماندا بنێرم 
          خۆ ناشتوانم لە خەوەکانما پێتی بڵێم چونکە لەوێش...
          
          لە خەوە نەفرەتیەکانیشم من تۆ هەر لە دوورەوە دەبینم 
          دەزانی ئەوەچەند ئازار بەخشە؟ دەزانی چەند شکێنەرە؟ کە خەبەرم دەبێتەوەو ڕووبەرووی ئەو ڕاستیە دەبمەوە
          
           کە تۆ ئیتر نـــــیــــــت
          
           کە تۆ ئێستا تەنها خـەونێکــــی 
          
          
          ئیتر ساڕێژکەرەکەی من تەنهـا خەونێکە ئەی ڕۆحی بریندار بۆیە چیتر لە چاوەڕوانی سـاڕێژبووندا مەبە.
          
          

نازانم چی شتێک وایکرد لێرە داببڕێی بەڵام هیوادارم هۆکارێکی باشبێت وە ئەوەش بزانە خۆشمەوێی چونکە ڕۆژانێک بوویتە هۆکاری دڵخۆشیم :⁠-⁠)

هـێـشـتـان چاو لەڕێم بۆ هەواڵێکت

https://www.wattpad.com/story/388937975?utm_source=ios&utm_medium=link&utm_content=story_info&wp_page=story_details&wp_uname=A_4ala