✨جـيـون هـيـونـآ✨

مرحبا بناتي أتمنى تكونوا بأفضل حال، يا أحلى من قضيت معاهم وقتي ومشاعري، يمكن ما اتقابلناش وش لوش، بس والله قربكم حسيته، وكلامكم ودعمكم كان دائما واصل لقلبي.
          	
          	يمكن ما تعرفوش قد إيه وجودكم في حياتي فرق ، وقد إيه كل تعليق، وكل رسالة، وكل كلمة تشجيع كانت سبب إني أكمل حتى وأنا تعبانة.
          	
          	إنتوا مش مجرد قارئات بالنسبة لي إنتوا جزء مني ومن حياتي واصبح كل تفكيري ما يتمحور غير حولين كيف اخليهم مبسوطين بشئ اقدمه لهم ورغم كل ده مقدرتش اخليكم مبسوطين بشكل كامل وعشان كده بحب أكون صريحة معاكم، وأشارككم اللي بيمر علي، لأنكم تستاهلوا الصدق وتستاهلوا إني أتكلم بخصوص اللي حصل للرواية تبع هيونا بنات، آسفة جدا على الخبر ده
          	
          	بس رواية هيونا اتحذفت بشكل نهائي من واتباد والموضوع والله مش بإيدي زعلانة جدًا على كل اللي ما لحقوش يكملوها لأني عارفة قد إيه كنتوا متعلقين بيها، وأنا أكثر واحدة موجوعة على اللي حصل
          	
          	الحكاية دي أثرت على نفسيتي فعلا، ومش بأفضل حالاتي بسببها، وعشان كده بدل ما أنزل بارت من ظلام العشق زي ما كنت واعدة قارئينها ، لقيت نفسي مش قادرة وحسة إني قصرت وخالفت وعدي ليهم
          	
          	حاليا بحاول أضغط على نفسي وأجمع طاقتي عشان أعوض قارئات ظلام عن التأخير بس معرفش ازاي ممكن اعوض قارئات هيونا زعلانة عليها ... وزعلانة عليكم أكثر من أي حاجة.
          	
          	كل اللي أتمناه دلوقتي إنكم تكونوا جنبي، ومقدرين اللي حصل، وتعرفوا إنه لو كان بإيدي، ما كنتش أسيبكم تستنوا لحظة واحدة علشان تقروها.
          	
          	بس... كما يقولون: لا تجري الرياح بما تشتهي السفن