تعالى نلعب لعبة.. إنتَ تحاول تكتشف الحقيقة، وأنا هخبيها جوه جريمة، لغز، صدمة مستنياك في آخر كل حكاية. بكتب عن ناس شبهنا، يمكن قابلتهم في الشارع، أو بينك وبينهم عيش وملح، وتنصدم إن خبر جريمتهم اللي تدل على حقارتهم منتشرة في الجرائد والسوشيال ميديا، أو.... تدل على معاناتهم. بكتب عن وجع مستخبي، ووشوش مبتسمة ووراها أسرار. كل قصة فيها طرف من الواقع.. وكل نهاية فيها مفاجأة عمرها ما بتتكرر. لو عندك قلب قوي، فأهلاً بيك في عالمي... بس خد بالك، مش كل حاجة بتشوفها قدامك حقيقية.