Juliana_556

راح انزللكم بارت بعد شويه بعد انقطاع فترة طويله بسبب الحر ولعبان النفس وبعض الأمور الطايح حضها انتزرونا

Juliana_556

بما انو ما كدرت انام...كتبت وجهه نظر عائشه بمحمد وما تستاهل اخليها بارت كون اجتهاد شخصي كلت اخليها هنا
          
          "جنت أحسب الدنيا دار فرح... وكل شي بيها يتزين على مقاسي، طفولتي مدلّلة، ضحكتي عالية، وگلبي وردة تفتّح بكل صباح. بس ما كنت أعرف إن الأيام الجاية راح تجرني بطريق ما اختاريته، طريق رسمه لي وجه غريب، وجه چنته أشوفه صدفة... وصار كل عمري.
          
          محمد..."
          
          كلشي بدا بنظرة... بفضول چنت أحسبه لعب. طفل ساكت، بس بعينه وطن محطم، وأنا چنت جايه من حياة وردية، من بيت يطبع البوسة على جبيني إذا زعلت، من حضن أمي اللي ريحته قماش وفلّ، ومن دلال أبوي اللي كلشي بيه چان ينحني إذا بس عيوني دمعت.
          
          ما چنت أعرف إن هاي الضحكة البريئة راح تتلوّن بشي أطوخ، إن محمد مو بس ولد، محمد وجع ساكت، محمد سؤال بلا جواب، محمد حچي ما ينكال، محمد وگلبه... چانوا قيد، وأنا أصغر من إني أفهم معنى القيود."
          
          كبرت... وكل ما أكبر، كل ما أرجع لتلك الأيام، وأتذكر شلون چنت أركض  وشلون عيني كانت تلمع إذا شفته حتى لو عابس. چنت أفكر هو ليش هيچي؟ ليش حزنه ما ينكسر؟ وليش يحچي وياي وكأنه يخاف مني... ويحبني؟
          
          اليوم، وأنا أكتب، صرت أعرف:
          
          محمد ما چان بس ولد. محمد چان جرح بقلبي، چبرني أنضج قبل عمري، چان حكاية حب باردة بنص صيف، چان ألم حلو، صرخة فرح مكتومة...
          
          وأنـا؟
          
          أنـا چنت "الفرح الغافي بعيونه"، وأنا چنت الحُلم اللي يخاف يوصل له... ويخاف يضيّعه.
          
          ومن چنت أشوفه يبتسم لي، چنت أحس إني بعيونه حرية... بس هو، گلبه مسجون."

Juliana_556

@Juliana_556 احسني بالواتباد احجي هواي وخاصه مشاعري الي صرت انسبها لعائشه بشكل مبالغ بي ...تعبانه جنت فرحانه بالروايه ...بس هسه على كد فرحتي بيها ما اعتقد راح اكملها
• Reply