Ang KATHAIM (Katipunang Aagapay sa Talento at Huhubog sa Abilidad ng mga Inspiradong Manunulat) ay isang organisasyong binuo ng iba't ibang manunulat (purong Pilipino, may lahing Pilipino at marunong sa lenggwahe ng mga Pilipino) online, na naglalayong paigtingin at payabungin ang Panitikan sa Pilipinas. Gayundin, ay imulat ang mga miyembro sa kahalagahan ng pagsusulat at pagbabasa.

Bisyon

• Ang pamunuan ng KATHAIM at ang mga miyembro ay magsisilbing tagahubog at tagalinang ng kakayahan, lakas ng loob at pag-uugali na nagpapakilala ng respeto, pagmamahal, pakikipagkapwa-tao, integridad at kasipagan, sa bawat isa.


Misyon

• Ipakilala ang Panitikan (at mga bahagi nito) sa mga miyembro.

• Alalayan ang mga baguhan sa paglinang at paghubog ng kanilang kakayahan sa pagbabasa at pagsusulat.

• Turuan at gabayan ang sinumang manunulat sa pamamagitan ng pagbibigay kritisismo at mga aral na siyang tutulong sa kanya sa pag-unlad.

• At makapagbigay ng mga matatamis na ngiti sa mga miyembro.