تانيتُك عُمر يِمَّك رِدت أرتاح
لِگيتك واحه... ميّت ترابك تِذري
تانيتُك تِجبر لخاطري المكسور
جبرته بدمع... بس ما جبر كسري
ليش تغيضني وأحچي الحچي المضموم
وتگول الناس عنّي مُسوَّدن يِهذري
إذا تدري بعذابي وتدري الصار
لا تسأل عليّه شباگي من صبري
خلصت العمر ما بين جُويّه وآه
ومگالب بروحي وناركم حَدري
ستّوني الحزن مو كافي طفي النار
تبخّر ماي صبري ونِزرف جدري
يالرايد حجينه يضل جزر للدوم
وإنت المَد يفيدك ينمحي المگري
لأن إنت الجرف وأنا فوگك الماي
أطلع عيوب جرفك لو كثر جزري
حاصرني الوكت وجروحي مسمومات
لا إنت راحمني ولا رحم دهري
تحزّم جرح بيّه وراد ياخذ ثار
التفت... شاف الخناجر تطعن بظهري