Manar_Haider21
النَاس كلها تحزن بمُحَرم ، بَس
شنوَ يعني الحَزن الحَقيِقي ؟
╰┈⇩
كل سنهَ من يدخل شَهر مُحَرم الحَرام نلبس
السَواد نغير صورنا ، نحضر المجَالس
الحُسينيهَ ونسمع القصائد الحُسينيهَ ،
ونبچي عَ مصاب اهل البَيت عليهـم السَلام
ونحضر المواكب ونوزع بس السؤال
الحَقيقِي شنوَ ؟
╰┈⇩
الحُسَين عليه السَلام استشهد حتى فقط
نبچي لو حتى نتغير والحزن فقط دمعهَ
وتغيير صورتك الشخصيهَ ؟ مو كل دمعهَ
حسينيهَ بعض الدموع يمسحها الهوى اكو
ناس تبچي عَ الحُسَين وتطلع من المجالس
تروح تأخذ غيبهَ وتچذب ، وتسمع أغاني
وكل أنواع المُحرمَات يسوونها فـ هاي
الدمعهَ تمَر ماتخلي أثر . . .
╰┈⇩
بس اكو دمعهَ تنزل من القَلب تهز النفس
وتهذبها وتخليك تكَول ماريد بس ابچي
اريد اتغيير حتى ترضي عليهَ وحتى اكون
من انصار الامَام المهدي عجل اللّٰه فرجهَ ،
واريد التزم بصلاتي واترك المُحرمَات
واحضر المجَالس الحُسينيهَ بقلب نَقي
ونيه صافيهَ هذا هوَ الحزن الحَقيِقي
معناها اتوقف عن الذنوب ، التزم بصلاتي ،
اتوب ، اترك الأغاني والغيبهَ ، اجاهد نَفسي ،
اترك الظُلم لان الحُسَين عليه السَلام
يريدنا ننهض ونتغيير وننتبه .
╰┈⇩
خلي هذا الشَهر يكون سبب بتوبتك وبرجعوك
للّٰه سبحانهَ وتعالى ، وخلي يكون سبب بلبسج
للعباءهَ الزينبيهَ وتغييرج للافضل ، يكون سبب
بالتزامك بالصلاهَ والزيارات ، انتو تعزون
الحُسَين عليه السَلام مو بس بالدمعهَ لا
كذلك بافعالكم البسوا الأسود بقلب نَقي
وبترك ذنوبكم .
Kftenp
شكرًا جزيلاً على هذه الكلمات القيّمة والمعبّرة،
كلامچ لامس القلب ويحمل رسالة عميقة جدًا عن المعنى الحقيقي للحزن في شهر محرم، وكيفية تجسيد حبّ الإمام الحسين عليه السلام بالفعل قبل القول.
نسأل الله أن يثبتنا على طريق الحق، ويجعلنا ممن يحيون ذكر أهل البيت عليهم السلام بقلوبٍ صادقة وأعمالٍ ترضيه.
بارك الله بيچ ووفقچ لكل خير.
