අහස හරි ලස්සනට නිල් පාටට හිටියට ,

එයා කොච්චර වැහි බර වලාවන් හංගගෙන ඉන්නවා ඇතිද?

ඒකත් උහුලගන්න ම බැරි උනොත් විතරයි පොළොවට දෙන්නේ නේද?



සමහරු හරියට අහස වගේ, හැමදේම දරාගෙන හරි ලස්සනට ඉන්නවා ;

හරියට මේ අහස ඉර, හඳ,තරු තව අපි කවදාවත් නොදැකපු පැතිකඩවල්...



සමහර ගල් පර්වත තියෙනවා ,

භූමිකම්පාවක් ආවත් නොසෙල්වෙන,

ඒත් ඒ පර්වතයේ පොඩි weakness එකක් ඔයා හොයාගත්තොත් ඒ සද්ධන්ත පර්වතේ ම බිමට සමතලා කරන්න පුළුවන්..



මහ මුහුද තියෙනවා නේද,

හැම රට රාජ්‍යයක ම ගංගා වගේ ජල මාර්ග වලින් එන හැම අපද්‍රව්‍ය ක් ම හංගගෙන හරි ලස්සනට ඉන්නවා නිල් පාටට බැබැලි බැබැළි...



සමහර කඳු වැටි තියෙනවා කිසිම මිනිස් පුළුටක් ඇහැ නොගැටුණු හරි භයානක විදියට පේන, ඒත් සොයායන්නෙක් මේව පේන තරම් කටුක නැති වග තේරුම් ගත්ත දාට සියල්ලන් ඒ දෙසට ඇදෙයි



මේ වගේ විවිධාකාර මිනිස්සු ඉන්නවා, සිතුම් පැතුම් හරියට එක්කෙනෙක් ට එක්කෙනෙක් වෙනස්, පවුලක් ඇතුලේ අම්මා තාත්තා විතරක් නෙමෙයි සහෝදර සහෝදරියෝ අතරේ පවා.